ایرانی سرحد بند ہون نال ایل پی جی دی قیمت وچ 50روپے فی کلو تک وادھا

کراچی: ایرانی سرحد بند ہون نال دیس بھر وچ ایل پی جی دی قیمت وچ 50روپے فی کلو تک وادھا ہو گیا اے جہدے بعد ایل پی جی دی قیمت 200روپے فی کلو توں تجاوز کر گئی جد کہ گھریلو سلنڈر دی قیمت وچ 500، کمرشل سلنڈر 2ہزار روپے تک مہنگا ہو گیا۔

ایران توں یومیہ 1ہزار میٹرک ٹن ایل پی جی درآمد کیتی جا رہی سی، سرحد دی بندش نال درجناں ایل پی جی کنٹینرز پاک ایران سرحد تے پھس گئے، سرحد بندش نال پاکستان وچ ایل پی جی بحران شدت اختیار کرن دا خدشہ اے۔ وسیلیاں دے مطابق پاکستان وچ ایل پی جی سیکٹر لئی کوئی طویل المدتی پالیسی موجود نہیں اے۔

ایل پی جی ڈسٹری بیوٹرز ایسوسی ایشن نے حکومت توں صورتحال دا فوری نوٹس لین دا مطالبہ کردیاں آکھیا حکومت بحران توں بچن لئی متبادل آپشن تے غور کرے۔