کراچی وچ پابندی دے باوجود کھلن والے 50سکولاں دی رجسٹریشن معطل

کراچی: کرونا توں بچاؤ لئی حفاظتی اقدامات تے عملدرآمد دا مشن، کراچی وچ پابندی دے باوجود کھلن والے 50سکولاں دی رجسٹریشن معطل کر دتی گئی، صدر وچ نجی سکول دی پرنسپل نے رجسٹرار نوں دھمکیاں دتیاں۔ ڈی جی پرائیویٹ انسٹیٹیوشنز نے محکمہ تعلیم دے احکامات دی خلاف ورزی کرن والے سکولاں دے خلاف دوجے دیہاڑ وی کاروائی کردیاں ہور 20سکولاں دی رجسٹریشن معطل کر دتی۔

رجسٹرار پرائیویٹ انسٹیٹیوشنز رفیعہ جاوید نے انسپکشن ٹیم دے نال وکھو وکھ علاقیاں دا دورہ کردیاں دو دن دے دوران 50سکولاں دی رجسٹریشن معطل کیتی۔ اوہناں نے چیئرمین میٹرک بورڈ توں ایہناں سارے سکولاں دے خلاف کاروائی دی وی سفارش کیتی اے۔ خیال رہوے حکومت سندھ نے 13مارچ تک صوبے دے سارے سکول بند رکھن دا فیصلہ کیتا سی۔