کرونا وائرس توں بچاؤ، وزیراعظم تے مولانا طارق جمیل ہتھ نہ ملا سکے

اسلام آباد: کرونا وائرس نے جتھے لوکاں نوں اپنی سرگرمیاں محدود کرن تے مجبور کر دتا اے اوتھے لوک اک دوجے نال گلے ملن تے ہتھ ملن توں وی اجتناب کر رہے نیں۔

کرونا وائرس دے پھیلاؤ نوں مدنظر رکھدیاں ہوئیاں وزیراعظم عمران خان نے وی بغیر ہتھ ملائے نہایت عقیدت دے نال سینے تے ہتھ رکھ کے مولانا طارق جمیل دا دفتر وچ استقبال کیتا۔

پاکستان تحریک انصاف دے ٹویٹر اکاؤنٹ تے شیئر کیتی گئی تصویراں دے نال لکھیا گیا مصافحہ ساڈے کلچر دا بہت اہم حصہ اے پر کرونا وائرس دے خلاف احتیاطی تدابیر اپناندیاں ہوئیاں فی الحال ایس عمل توں دور رہنا ہووے گا۔

وزیراعظم عمران خان نے مذہبی اجتماعات تے پابندی لئی مولانا طارق جمیل توں کردار ادا کرن دی درخواست کیتی۔ ملاقات وچ کرونا وائرس دی روک تھام بارے وی گل بات ہوئی۔ ملاقات وچ وزیراعظم نے مولانا طارق جمیل توں خصوصی دعاواں دی وی درخواست کیتی۔