صحت مند پاکستان لئی کورونا توں ڈرنا نہیں لڑنا اے: ڈاکٹر ظفر مرزا

اسلام آباد: معاون خصوصی برائے صحت ڈاکٹر ظفر مرزا دا کہنا اے صحت مند پاکستان لئی کورونا توں ڈرنا نہیں سگوں لڑنا اے۔

ڈاکٹر ظفر مرزا دی زیر صدارت ایمرجنسی کور گورپ دا اجلاس ہویا جہدے وچ این آئی ایچ دے ایگزیکٹو ڈائریکٹر میجر جنرل عامر اکرام تے پاک فوج دے نمائندیاں نے رلت کیتی۔

ایس موقع تے ڈاکٹر ظفر مرزا آکھیا قومی چیلنج نال نبڑن لئی مکمل تیار آں، 14لیبارٹریاں وچ کورونا وائرس دے ٹیسٹ دی سہولتاں فراہم کیتی جا رہیاں نیں، قومی یکجہتی دے نال قومی ایکشن پلان تے عملدرآمد ہو رہیا اے۔ ڈاکٹر ظفر مرزا آکھیا حکومت پاکستان تے عالمی ادارہ صحت دی جاری کیتی احتیاطی تدابیر تے عمل کرن، صحت مند پاکستان لئی کرونا توں ڈرنا نہیں سگوں لڑنا اے۔