سندھ حکومت دی تعلیمی پالیسی 2020ء سلاہن جوگ اقدام

لکھت:علی رضا رانا

اللہ رب العزت نے انسان نوں دوجی مخلوقاں وچ علم و سمجھ بوجھ پاروں عظمت تے برتری عطا فرمائی اے، انسان دی زندگی دا اہم مقصد اپنے آپ نوں علم تے ادب یعنی سمجھ بوجھ توں آراستہ کرنا اے۔ علم تے سمجھ بوجھ دے حصول لئی کیتی جان والی انسانی جدوجہد نوں تعلیم و ادب آکھیا جاندا اے تعلیم توں ادب حاصل ہوندا اے تے ایس طرح انسان نوں اشرف المخلوقات دی دستار فضیلت نال سرفراز کیتا گیا اے۔ اک طالب علم جدوں اپنے طالب علمی دے زمانے نوں شرطاں تے آداب دے مطابق گزاردا اے اودوں اوہ اللہ دے رحم و کرم دی بدولت علم و یقین، ادب تے دانشوری ، ہوش مندی تے تربیت اخلاق دی وجہ توں معاشرے وچ اہم مقام تے فائز ہوندا اے جدوں طلبہ اپنے طالب علمی دے دور نوں اصول تے آداب دے مطابق گزاردا اے تے اوہنوں اہم مقام جہنوں چنگا اخلاق آکھیا جاندا اے ، معاشرہ ایس لقب نال نواز دیندا اے ایسے طرح بچے قوم دی امانت ہوندے نیں اوہناں نوں قوم دی مستقبل نال ای تعبیر کیتا جا سکدا اے ایسے ملک سماج تے خاندان دے مستقبل دا اندازہ لانا ہووے تے ایہ ویکھ لینا کافی ہوندا اے کہ اوہدا اپنے گھر وچ، اپنے سکول وچ، اپنی کلاس روم وچ، اساتذہ تے دوستاں دے نال کیہ سلوک اے۔ ایسے طرح نویں نسل دی نگرانی تعلیم تے تربیت تے اینی توجہ مرکوز اے ایہدا اندازہ بخوبی لایا جا سکدا اے جے ایہدے وچ تسلی تے غیر ذمہ داری ودھدی جا رہی اے تے سمجھ لینا چاہیدا اے کہ قوم دی امانت تے ملک دے مستقبل نال کھلواڑ ہو رہی ااے ایس گل نوں دوجے لفظاں وچ انج وی آکھیا جا سکدا اے کہ اج دا بچہ کل جہڑا پیو بنے گا یاں اج دی بچی کل ماں دا کردار نبھاوے گی ایہدی تعلیم و تربیت وچ کمی تے کوتاہی دا نتیجہ اے قوم دی مستقبل وچ تاریکی وچ ظاہر ہو سکدا اے تے ایہدے وچ وی سماج اخلاق ان دیکھے خطرناک نتائج نکل سکدے نیں۔ماپیاں نوں وی چاہیدا بالاں نال محبت تے شفقت نال پیش آن اوہدی پڑھائی وچ ہر طرح نال مدد کرن تے اوہدے اندر برداشت تے رحم دی تلقین نوں ابھارن وچ مدد کرن تے اوہناں دے مستقبل وچ ترجیح بنیاداںوچ شامل رکھے ایسے طرح امتحانات دی تیاری تے نصابی کتاباں نوں سمجھان تے سکھان وچ ٹیچرز توں ودھ ماپے اپنا حق ادا کردیاں ہوئیاں بچے وچ ذاتی دلچسپی لین تاں جے خوف تے دباء وی موجود رہوے جو کہ ختم ہوندا جا رہیا اے، جہدے نال اوہدے مستقبل وچ اہم کردار ادا ہو سکے کیوں جے موجودہ نویں نسل دے طالب علم اپنا ویلا تے موبائل غیر مناسب حرکتاں وچ گزار رہے نیں جو کہ اوہناں دے مستقبل توں ودھ ادب تے تعزیم دے نال کھلواڑ اے اک مثال میرے ذہن وچ موجود اے۔ گزریا ہویا ویلا فیر ہتھ نہیں آندا ایہنوں گہرائی نال سوچے کہ ایہ سو فیصد ٹھیک جملہ اے جو کہ اج دے نوجوان اُتے تے کل دے نوجوان تے جہناں نے ایہ ویلا گزار دتا ایہناں تے ایہ فٹ ہوندا اے۔ ایسے طرح انسان جہدے توں وی کجھ وی سیکھے اوہدا احترام لازم اے، جے سیکھن والا، سکھان والا دا احترام نہیں کردا تے اوہ گھٹ ادب تے بدلحاظ کہلاندا اے۔ باقی ساری چیزاں اک پاسے انسان آپ کیہ اے ایہ سوچنا ہووے گا میری مراد انسان دی تخلیق نہیں انسان بشریت توں آدمیت ول سفر اے انسان نوں بنان والے فنکار دا ناں اے ’’معلم‘‘ ایس لئی اوہدا کم دنیا دے سارے کماں توں مشکل، اہم تے قابل قدر اے۔ سندھ وچ زیادہ تر بچے نجی تعلیمی اداریاں وچ تعلیم حاصل کر رہے نیں جہدا ذکر پچھلے ورھے یعنی 2019دا اے جدوں سندھ حکومت نے تعلیمی ورھے وچ تبدیلی کیتی تے سال دا آغاز جولائی توں کیتا جہدے نال سکول تے والدین وچ تشویش دی لہر دوڑ گئی سی پر ایس ویلے 2020وچ کرونا وائرس دی آمد تے 20دناں توں ودھ تعلیمی ادارے بندکر دتے گئے تے ہن وڈا مسئلہ امتحانات دا آنا تے اساتذہ سنے والدین وی تشویش وچ مبتلا سن، ایس دوران نویں وزیر تعلیم سندھ نے 7مارچ 2020نوں ایس سٹیئرنگ کمپنی محکمہ تعلیم دا اجلاس بلان جہدے وچ سارے بورڈ چیئرمینز نجی تعلیمی اداریاں دے نمائندگی سنے اہم ماہرین تعلیم نے رلت کیتی۔ وزیر تعلیم سندھ سعید غنی دی زیر صدارت ہون والی میٹنگ وچ تعلیمی سال اپریل 2020توں شروع کرن تے موسم گرما دی چھٹیاں 20مئی تاں 15جولائی 2020تک کرن سنے اہم فیصلے کیتے گئے، بعدوں نجی تعلیمی اداریاں دے مالکان، طلبہ ، اساتذہ وچ خوشی دی لہر دوڑ گئی۔ 8مارچ بروز اتور دی شام پرائیویٹ سکول مینجمنٹ (پساء) حیدر آباد دے صدر جناب عارف شاہ صاحب دی زیر صدارت حیدر آباد، جامشورو، ٹنڈو الہ یار دے اہم نمائندگان دا اجلاس ہویا جہناں دے ناں کجھ انج نیں (سر عارف شاہ ۔سر ایم اشرف قریشی ۔سر نجیب آفریدی ۔سر ناسر قریشی ۔سر مرزا محبوب۔سر شعیب احمد بیگ۔سر مقصودلودھی۔سیف الرحمان ۔جاوید اقبال یوسف زئی۔عبدالمجید راجپوت۔سر سرفرازاحمد نوریجو۔سر سہیل احمد ۔نعیم علی عابرو ۔وحید سا حاب۔ہساف آفریدی )کھری گل نال گل کردیاں عارف شاہ دا کہنا سی کہ محکمہ تعلیم سندھ دا فیصلہ ساڈی خواہشات تے ہویا اے۔ ہن اسیں ہور ترقی لئی کوشاں آں، آس کرنے آں کہ ہن چار مہینے خراب نہیں ہون گے تے اسیں سارے نجی سکول، سرکاری سکول دی طرح اپنا نواں تعلیمی سال دا آغاز وی 11اپریل 2020توں کر دیواں گے، سارے حاضری شرکاء ولوں وی خوشی دا اظہار کیتا گیا تے سارے شرکاء نے کھری گل توں گل کردیاں ایس عزم دا اظہار کیتا کہ تعلیم دی شہری لئی کوشش تے جدوجہد جاری رکھاں گے۔ شرکاء نے دسیا جماعت 1توں 10تک یکم اپریل توں ہر کلاسز دا آغاز کراں گے تے ہن سارے نجی سکول جتھوں تک گل جماعت 1توں 8تک دے نصاب دی گل اے تے ایہدی وی تیاری پوری کر لئی گئی اے۔آخر وچ ایہ عرض کرنا چاہوا ں گا کہ میرے نوجوان تعلیم تے پوری توجہ دیوے ایسے طرح اوہ کھیڈکود، دوستاں، موبائل نوں ترجیح دیندے نیں بہتر اے کہ اپنے استاد دی تعظیم کرے اپنے ویلے دی قدر کرے اپنے بہترین آداب تے تعلیم دی بہتری تے پوری توجہ دیوے کیوں جے بہترین قوماں وچ ادب تے تعلیم دا خیال اولین بنیاد تے بہترین ترجیح ہوندا اے۔