فواد چودھری دا اک واری فیر پارلیمان دا براہ راست سیشن نہ بلان دا مشورہ

اسلام آباد: فواد چودھری نے اک واری فیر پارلیمان دا براہ راست سیشن نہ بلان دا مشورہ دے دتا۔ اوہناں آکھیا پارلیمان دے ہوٹلاں وچ یا براہ راست سیشن بلان دی بجائے ورچوئل اجلاس کیتے جان۔

فواد چودھری نے رکن قومی اسمبلی منیر اورکزئی دے انتقال تے اظہار تعزیت کردیاں مرحوم دے درجات دی بلندی تے پسماندگان لئی صبر جمیل دی دعا کیتی۔

اوہناں آکھیا اک واری فیر ایس گل تے زور دیواں گا کہ پارلیمان دے براہ راست سیشن توں گریز کیتا جاوے، سانوں احتیاط دا دامن نہیں چھڈنا چاہیدا۔ فواد چودھری دا کہنا سی پارلیمان دے مواصلاتی سیشن کرکے اسیں احتیاط دا مظاہرہ کر سکنے آں، پارلیمنٹ دے جہڑے سیشن براہ راست منعقد ہوئے ایہدے نتائج ساہمنے آ رہے نیں، کئی ارکان پارلیمنٹ براہ راست سیشن دے بعد کورونا دا شکار ہو چکے نیں۔
ٹڈی دل دے خاتمے لئی پاک فوج تے دوجے اداریاں دی ٹیماں دا آپریشن جاری