پنجاب پلس دے کورونا توں متاثرہ اہلکاراں دی تعداد400توں ودھ گئی

پنجاب پلس دے ہور 8افسراں تے اہلکاراں وچ کورونا وائرس دی تصدیق ہو گئی جہدے بعد کورونا توں متاثرہ اہلکاراں دی مجموعی تعداد 418ہو گئی اے۔

محکمہ پلس دی رپورٹ دے مطابق پنجاب وچ ہن تک پلس دے 18ہزار 816اہلکار و افسراں دے ٹیسٹ کیتے گئے جہناں وچوں 15ہزار 921اہلکار و افسراں دے ٹیسٹ منفی آئے تے 2دن وچ ہور 2ہزار 477اہلکار و افسراں دے ٹیسٹاں دے نتائج آ جان گے۔

رپورٹ وچ دسیا گیا اے پنجاب پلس وچ ہن تک کورونا توں 4اہلکار وی شہید ہوئے نیں جہناں وچوں 3دا تعلق لہور تے اک دا فیصل آباد توں اے۔

رپورٹ دے مطابق پنجاب پلس دے ہن تک 254افسران و اہلکار کورونا توں صحت یاب وی ہو چکے نیں۔ واضح رہوے پنجاب وچ کورونا وائرس دے مجموعی کیساں دی تعداد 26ہزار 240ہو گئی تے ہلاکتاں دی تعداد497اے۔

اپنا تبصرہ گھلو