پائلٹ تے ایئر ٹریفک کنٹرولر کراچی طیارہ حادثہ دے ذمہ دار قرار: عبوری رپورٹ

اسلام آباد: پی آئی اے طیارہ حادثے دی عبوری رپورٹ قومی اسمبلی وچ پیش کر دتی گئی۔ غلام سرور آکھیا حادثے دی ذمہ داری کریو کیبن تے ایئر ٹریفک کنٹرولر دی وی بن دی اے، ذمہ دار احتساب توں بچ نہیں سکن گے۔ وفاقی وزیر ہوا بازی غلام سرور خان نے قومی اسمبلی وچ اظہار خیال کردیاں آکھیا طیارے دے پائلٹس طبی طور تے جہاز اُڈان لئی فٹ سن، پائلٹس نے دوران پرواز کسے قسم دی تکنیکی خرابی دی نشاندہی نہیں کیتی، ابتدائی رپورٹ دے مطابق طیارہ پرواز لئی 100فیصد فٹ سی، جہاز لینڈنگ دے ویلے 7220فٹ دی بلندی تے سی، کنٹرولر نے تن وار پائلٹ دی توجہ اونچائی ول کرائی، ایہ ریکارڈ اُتے اے کہ جہاز دے لینڈنگ گیئر کھولے گئے۔ غلام سرور دا کہنا سی 10ناٹیکل مائل تے جہاز دے لینڈنگ گیئر کھولے گئے، 5ناٹیکل مائل تے لینڈنگ گیئر دوبارہ بند کیتے گئے، جہاز رن وے تے رگڑے کھاندا رہیا، انجن کافی حد تک متاثر ہویا، پائلٹ نے جہاز نوں دوبارہ اُڈایا، کوئی ہدایت نہیں لئی، پائلٹس نے ایئر ٹریفک کنٹرول دی ہدایات نوں نظر انداز کیتا، عبوری تحقیقات رپورٹ وچ کنٹرول ٹاور تے پائلٹ دی کوتاہی ساہمنے آئی، اے ٹی سی نے جہاز دے رگڑ کھان دے بعد وی ہدایات نہیں دتیاں۔

اپنا تبصرہ گھلو