63فیصد پاکستانی سمارٹ تے 21فیصد مکمل لاک ڈاؤن دے حامی: سروے

انسٹی ٹیوٹ فار پبلک اوپینیئن ریسرچ دے حالیہ سروے دے مطابق پاکستان دے 52فیصد شہریاں نے وزیراعظم دے سمارٹ لاک ڈاؤن دے فیصلے دی حمایت کیتی اے۔ سروے دے مطابق 63فیصد شہری سمارٹ لاک ڈاؤن دے حامی نیں تے 21فیصد شہری مکمل لاک ڈاؤن دی حمایت کردے نیں۔ سروے وچ 54فیصد مرداں تے 46فیصد عورتاں توں رائے لئی گئی سی۔ 33فیصد شہریاں دا کہنا اے کورونا پھیلن دی سب توں وڈی وجہ بے احتیاطی اے جد کہ 11فیصد دا خیال سی کہ کورونا پھیلن دی وجہ سخت لاک ڈاؤن نہ ہونا اے، 9فیصد دے نزدیک سرکار دی کمزور پالیسی دی وجہ توں کورونا پھیلیا تے ہور 9فیصد دا کہنا سی کورونا ایس او پیز دی پابندی نہ کرن توں پھیلیا۔ انسٹیٹیوٹ فار پبلک اوپینیئن ریسرچ دے سروے وچ 67فیصد پاکستانیاں نے آکھیا اے اوہ کورونا توں بچاؤ لئی اپنے آپ نوں تے اپنے اہل خانہ نوں ویکسین لاؤن لئی تیار نیںجد کہ 19فیصد نے ویکسین لئی رضا مندی ظاہر نہیں کیتی۔