لہور دے تاجراں دا 3جولائی توں مارکیٹاں کھولن دا اعلان

لہور: اندرون شہر دے تاجر رہنماواں نے سمارٹ لاک ڈاؤن نوں معیشت دے خلاف سازش قرار دیندیاں 3جولائی توں بند مارکیٹاں کھولن دا اعلان کر دتا۔ سمارٹ لاک ڈاؤن دی وجہ توں اندرون شہر دی بند مارکیٹاں دے تاجر رہنماواں نے پریس کلب وچ پریس کانفرنس کیتی تے آکھیا سمارٹ لاک ڈاؤن توں ایہناں دا کاروبار تباہ ہو رہیا اے ایس لئی فوری طور تے مارکیٹاں نوں کھولیا جائے۔ تاجر رہنماواں آکھیا اندرون شہر تے دوجے علاقیاں وچ سمارٹ لاک ڈاؤن دی وجہ توں مارکیٹاں بند نیں تے ایس طرح ایہناں دا معاشی قتل کیتا جا رہیا اے۔ اوہناں نے سرکار توں مطالبہ کیتا کہ مارکیٹاں کھولن دی اجازت دتی جائے نہیں تاں اوہ 3جولائی توں اندرون شہر دی بند مارکیٹاں کھول دیواں گے۔

اپنا تبصرہ گھلو