پب جی گیم اُتے پابندی دی وجہ ساہمنے آگئی

اسلام آباد: ہائی کورٹ نے فریقین دے دلائل توں بعد پب جی گیم بارے درخواست اُتے فیصلہ محفوظ کر لیا ، جسٹس عامر فاروق نے پب جی گیم اُتے پابندی بارے درخواست اُتے سماعت کیتی، پاکستان ٹیلی کمیونیکیشن اتھارٹی ( پی ٹی اے ) نے پب جی کمپنی دی درخواست قابل سماعت ہوون اُتے اعتراض کیتا ۔جسٹس عامر فاروق نے استفسار کیتا کہ گیم اُتے پابندی کس قانون دی شک اُتے لائی گئی ؟
پی ٹی اے وکیل نے آکھیا کہ ایس وچ اسلام دے خلاف کجھ مواد نظر آیا جس وجہ تو پابندی لائی گئی ، عدالت نے پچھیا کہ جیہڑا میٹریل اسلام دے خلاف اے ، کیا تُسی میٹنگ مینٹس اندر لکھیا اے ؟
تے فیر تے ساریاں گیماں اُتے پابندی لگنی چاہیدی اے۔وکیل پی ٹی اے نے آکھیا کہ پب جی گیم اندر کجھ غیر اخلاقی مناظر وی سن۔جسٹس عامر فاروق نے آکھیا کہ ایہ وتیرہ بن گیا اے کہ ہر چیز دوسرے تے پا دیو ، سی پی او کل آکھے گیا کہ سارا کجھ بند کر دیو تے کر دیو گے ؟۔ کسی شکایت اندر دسو کہ کیتھے آکھیا گیا ہے کہ ایہ اسلامی تعلیم دے خلاف اے ؟وکیل پی ٹی اے نے آکھیا کہ صورتحال ایسی بن گئی سی کہ پب جی معطل کرنا پے گئی ۔جسٹس عامر فاروق نے ریمارکس دتے کہ تُسی صورت حال نہیں قانون دے مطابق فیصلہ کرنا اے ، گیماں تے پتہ نہیں ایس توںزیادہ پُر تشدد موجود نیں ۔

اپنا تبصرہ گھلو