سندھ پلس دے ہور 150اہلکاراں وچ کورونا دی تصدیق

کراچی: سندھ پلس وچ کورونا دے 150نویں کیسز ساہمنے آ گئے، جہدے بعد ایس وائرس نال متاثرہ پلس افسران و جواناں دی تعداد 2ہزار 360ہو گئی اے۔ ترجمان سندھ پلس دے مطابق سندھ پلس وچ پچھلے 2دن دے دوران کورونا وائرس دے 150نویں کیسز ساہمنے آئے نیں، ہن تک 2ہزار 360دے قریب افسران تے جوان کورونا وائرس توں متاثر ہوئے نیں۔ 16پلس افسران و جوان فرائض دی ادائیگی دے دوران شہید ہوئے جہناں وچوں 14دا تعلق کراچی جد کہ 2دا حیدر آباد رینج توں سی۔ ترجمان سندھ پلس دا کہنا سی ایس ویلے کورونا دا شکار اک ہزار649اہلکار زیر علاج نیں جد کہ 695افسران تے جوان صحت یاب ہو کے گھر جا چکے نیں۔ کورونا توں متاثرہ اہلکاراں دا مکمل طور تے خیال رکھیا جا رہیا اے تے ایس سلسلے وچ روزانہ دی بنیاد تے اقدامات جاری نیں۔ کورونا دے خلاف ہر اول دستے دے طور تے کم کرن والے افسران تے جوان خدمت انسانیت لئی انتہائی پرعزم تے بلند حوصلہ نیں۔