نوازشریف دا کورونا وچ گھر توں نکلنا جان لیوا ہو سکدا اے: میڈیکل رپورٹ

لہور ہائی کورٹ وچ نوازشریف دی تازہ میڈیکل رپورٹ جمع کروا دتی گئی جہدے وچ آکھیا گیا اے نوازشریف پلیٹ لیٹس، شوگر، دل، گردے تے ہائی بلڈ پریشر دے امراض وچ مبتلا نیں تے معالجین نے اوہناں نوں ہسپتال دے نیڑے رہائش گاہ رکھن دی ہدایت کیتی اے۔ نوازشریف دی لہور ہائی کورٹ وچ تازہ ترین رپورٹ جمع کروا دتی گئی۔ دو ورقیاں تے مشتمل رپورٹ وچ نوازشریف نوں کورونا وباء پاروں گھر توں باہر نکلن توں منع کیتا گیا اے۔ میڈیکل رپورٹ دے مطابق نوازشریف پلیٹ لیٹس دی کمی شوگر، دل، گردے تے ہائی بلڈ پریشر دے عارضے وچ مبتلا نیں، اوہناں دا کورونا وباء دے دوران گھر توں باہر نکلنا جان لیوا ثابت ہو سکدا اے ۔ نوازشریف نوں ہدایت کیتی گئی اے کہ اوہ ورزش دے نال طبی ماہرین نال مسلسل رابطے وچ رہن تے اپنی رہائش علاج گاہ دے نیڑے رکھن۔ میڈیکل رپورٹ وچ آکھیا گیا اے نوازشریف دل دے مرض دی وجہ توں انتہائی خطرے وچ نیں تے شریاناں بند ہون نال دل نوں خون دی سپلائی مناسب نہیں ہو رہی۔

اپنا تبصرہ گھلو