ਨਵੀਨਤਮ

پی ایس او مالی مشکلات دا شکار، پاور کمپنیاں دے ذمے 261 ارب واجب الادا

pso

کراچی: پاکستان سٹیٹ آئل نوں شدید مالی مشکلات دا سامنا اے، پاور کمپنیاں پی ایس او دی 261 ارب روپے دی مقروض نیں۔ ادارے نے وصولیاں دی خاطر حکومت سَنے سارے اداریاں نوں وکھرے وکھرے خط ارسال کر دتے۔

ملک دی سب نالوں وڈی آئل مارکیٹنگ کمپنی ایس ویلے شدید مالی بحران دا شکار اے، پاور کمپنیاں سَنے کئی حکومتی اداریاں نے پی ایس او دے ارباں روپے ادا نہیں کیتے، ذرائع دے مطابق ایس ویلے وصولیاں364 ارب روپے تیک پہنچ چکی نیں۔

تفصیلات دے مطابق پاور کمپنیاں پی ایس او دی 261 ارب روپے دی مقروض نیں، سوئی نادرن گیس کمپنی نے ادارے دے 55 ارب روپے ادا نہیں کیتے، پاکستان انٹر نیشنل ائیر لائن 17 ارب روپے دی مقروض اے جد کہ حکومت نے پاکستان سٹیٹ آئل دے 30 ارب روپے ادا نہیں کیتے۔ موجودہ حالات نوں مد نظر رکھدے ہوئے پی ایس او نے وصولیاں دی خاطر حکومت سَنے سارے اداریاں نوں وکھرے وکھرے خط گھل دتے ۔

 

ਨਵੀਂ ਟਿੱਪਣੀ ਸ਼ਾਮਿਲ ਕਰੋ

About text formats

ਸਬੰਧਤ ਨਿਊਜ਼

Services