منفی معاشی اثرات ختم کرن لئی کامیاب جوان پروگرام بوہت ضروری اے : وزیر اعظم

اسلام آباد( بھلیکھا ٹی وی ) وزیر اعظم عمران خان ہوراں آکھیا کہ کورونا دے ملکی معیشت اُتے منفی اثرات ختم کرن لئی کامیاب جوان پروگرام بوہت ضروری اے ، معاشی ترقی لئی نوجواناں نوں شریک دار بناناپئے گا ۔تفصیل دے مطابق وزیر اعظم عمران خان نال معاون خصوصی عثمان ڈار تے مشیر خزانہ عبد الحفیظ شیخ نے ملاقات کیتی ۔ایس دوران کامیاب نوجوان پروگرام دے تازہ ترین اعدادو شمار اُتے بریفنگ دتی گئی ، پروگرام دے تحت نوجواناں وچ رقم دی تقسیم دا عمل تیز کرن اُتے مشاوارت ہوئی ۔وزیر اعظم نوں آکھیا گیا کہ کجھ دن وچ30ہزارتوں ودھ نوجواناں نے رقم لین لئی درخواستاں دتیاں ، نوجوانان دی سہولت لئی 21بینک رقم دی تقسیم دا عمل مکمل کراں گے ، ہن تک 1ارب روپئے دی رقم نوجواناں وچ تقسیم کیتی جا چکی اے ، ہور 53ارب روپئے توں ودھ رقم لین لئی درخواستاں موصول ہوئیاں ۔