اسلام آباد وچ کورونا مریضاں دی تعداد وچ فیر وادھا ہون لگا

اسلام آباد: شہر اقتدار وچ کورونا کیساں دی تعداد وچ اتار چڑھاؤ جاری اے تے پچھلے24گھنٹیاں دے دوران اسلام آباد وچ کورونا دے ہور 22کیسز ساہمنے آئے نیں۔ ڈی ایچ او آفس اسلام آباد دی رپورٹ دے مطابق پچھلے دیہاڑ اسلام آباد وچ کورونا دے ہور 22کیسز ساہمنے آ گئے۔

کورونا دے نویں کیساں وچ 15بندے تے 7عورتاں شامل نیں۔ اسلام آباد وچ پچھلے دیہاڑ بارہ کہو وچ سب توں ودھ 4کیسز ساہمنے آئے۔ ایہدے علاوہ بلیو ایریا، ایف سیون تے جی تیرہ وچ 3,3کیسز، جی نائن، آئین ٹین اور آئی ایٹ ٹو وچ 2,2جد کہ میڈیا ٹاؤن وچ کورونا دا اک کیس ساہمنے آیا۔ اسلام آباد وچ کورونا توں متاثرہ بندیاں دی مجموعی تعداد 15515تک جا اپڑی اے۔

ایہناں وچوں 14705مریض صحت یاب ہو چکے نیں۔ اسلام آباد وچ ہن تک کورونا نال 175موتاں ہو چکیاں نیں جد کہ ایس ویلے کورونا دے ایکٹو کیساں دی تعداد635نیں۔