کراچی: موسلا دھار بارش کے بعد موبائل تے انٹر نیٹ سروس متاثر، سگنلز غائب

کراچی( بھلیکھا ٹی وی ) کراچی تیز بارش توں بعد موبائل تے انٹر نیٹ سروس متاثر ،قائد اعظم دا شہر وچ موبائل تے انٹرنیٹ سگنل وی غائب ہو گئے لوکاں نوں آپس اندر رابطے لئی مشکل ہوون لگی ۔۔مون سون دی بارش نے کراچی دی شکل ہی وگاڑ دتی، بدل ایسے وسے کہ ہر پاسے پانی ہی پانی ہو گیا ، سڑکاں اُتے کئی کئی فٹ پانی جمع ہوگیا ۔ پچھلے24گھنٹے اندرسب توں ودھ 230ملی میٹر بارش ریکارڈ کیتی گئی، سرجانی ٹائون وچ195، کیماڑی وچ169تے ناظم آباد وچ162ملی میٹر بارش ہوئی ۔کراچی وچ طوفانی بارش نے تباہی مچا دتی ، پانی وچ کرنٹ آون نال11بندے اللہ نوں پیارے ہو گئے ، جس وچ3بال وی شامل نیں ، محمود آباد ہل ٹاپ نالے وچ تین بال ڈُب گئے ، ہنگامی صورتحال دے باعث صوبے وچ چھٹی کر دتی گئی ۔ قائد اعظم دے شہر وچوں پانی نہیں کڈیا جا سکیا ، ڈیفنس تے کورنگی کراسنگ اجے تک پانی نال بھرے پئے نیں ، طوفانی بارش نے نرسری فرنیچر مارکیٹ وچ 5توں7فٹ تک پانی جمع ہو گیا ، دکاناں وچ پانی وڑ جاون نال قیمتی فرنیچر خراب ہو گیا ۔