بااثر بندے معاشی فیصلیاں وچ اثر انداز ہوندے نیں: اسد عمر

اسلام آباد: وفاقی وزیر منصوبہ بندی، ترقی و اصلاحات اسد عمر دا کہنا اے وڈے کاروباری تے بااثر بندے معاشی فیصلیاں وچ اثر انداز ہوندے نیں۔

اوہناں آکھیا احتساب تے شفافیت لئی ڈیجیٹل ٹیکنالوجی دا کردار اہم اے۔ ٹیکس وصولیاں لئی ایف بی آر حکام تے دباء ودھان دی بجائے ٹیکنالوجی دا استعمال ہونا چاہیدا اے۔

ایہناں خیالات دا اظہار اسد عمر نے اسلام آباد وچ منعقدہ اک سیمینار نال خطاب وچ کیتا۔ اوہناں دا کہنا سی وڈے نہیں سگوں نکے پیمانے تے وی سرمایہ کاری کرکے ملکی ترقی وچ ہتھ ونڈایا جا سکدا اے۔ ڈیجیٹل اکانومی تک ہر طبقے نوں رسائی ہونی چاہید اے۔ اسد عمر آکھی ڈیجٹلائزیشن دے ذریعے معاشی سرگرمیاں دی جانچ کیتی جا سکدی اے۔

احتساب تے شفافیت لئی ڈیجیٹل ٹیکنالوجی دا کردار اہم اے۔ وفاقی وزیر دا کہنا سی صوبیاں، وزارتاں تے نجی شعبے دے اشتراک نال ڈیجیٹل معیشت دے فروغ دی حکمت عملی تشکیل دینی چاہیدی اے۔

تحقیقی آئیڈیاز رکھن والیاں دی فصلہ سازی وچ رسائی نہیں ہوندی۔ ڈیجیٹل ٹیکنالوجی دا اپنا کے ایہ دوری ختم کیتی جا سکدی اے۔