جہانگیر ترین نے ایف آئی اے طلبی بارے تفصیلی جواب جمع کرا دتا

لہور: تحریک انصاف دے رہنما جہانگیر ترین نے ایف آئی اے طلبی دے حوالے نال اپنا تفصیلی جواب جمع کرا دتا۔ تفصیلی جواب دے نال 11والیمز 1400ورقیاں تے مبنی دستاویزات وی ایف آئی اے مشترکہ تحقیقاتی ٹیم دے حوالے کر دتے گئے۔

جہانگیر ترین دے تفصیلی جواب وچ آکھیا گیا اے ایس ویلے جے ڈی ڈبلیو شوگر ملز 12ہزار توں ودھ بندیاں نوں براہ راست جد کہ 50ہزار توں ودھ کاشتکاراں، ٹرانسپورٹراں تے کاشتکاری دے شعبہ نال جڑے محنت کش بندیاں نوں بلواسطہ روزگار فراہم کر رہیاں نیں۔

جہانگیر ترین دا کہنا اے پچھلے 3سال دے دوران جے ڈی ڈبلیو نے گنے دے کاشتکاراں نوں 81ارب روپے توں ودھ دی ادائیگیاں شفاف انداز وچ بینکنگ چینلاں دے راہیں کیتیاں۔

ایہ اس دوران خریدے گئے کل گنے کدا 98اعشاریہ 5فیصد بن دا اے۔ جے ڈی ڈبلیو شوگر ملز دا شمار پاکستان دی کسے وی صنعت وچ سب توں ودھ ٹیکس ادا کرن والے اداریاں وچ ہوندا اے۔

مذکورہ ملز سالانہ تقریباً 15ارب روپے دا ٹیکس قومی خزانے وچ جمع کراندیاں نیں۔

اپنا تبصرہ گھلو