فضل الرحمان دی طلبی توں ثابت ہو گیا، سرکار بذریعہ نیب چل رہی اے: رانا ثنائ

لہور: مسلم لیگ (ن) دے رہنما رانا ثناء نے الزام لایا اے مولانا فضل الرحمان دی طلبی توں ثابت ہو گیا کہ سرکار بذریعہ نیب چل رہی اے۔

پارٹی صدر دی لہور ہائی کورٹ وچ پیشی دے موقع تے میڈیا نال گل کردیاں اوہناں آکھیا شہباز شریف نوں بدترین انتقام دا نشانہ بنایا جا رہیا اے۔

اوہناں نے سخت تنقید کردیاں آکھیا ایس سرکار دی کارکردگی، پالیسی، وژن تے کوئی سوچ نہیں اے۔ سرکار دا کم صرف انتقامی کارروائیاں رہ گیا اے۔

ایس موقع تے گل کردیاں خواجہ سعد رفیق آکھیا سیاسی جماعتاں تے ریاستی اداریاں وچ محاذ آرائی چنگی نہیں اے، کوشش ایہو کرنی چاہیدی اے کہ تناؤ گھٹ ہووے۔

خواجہ سعد رفیق آکھیا ساڈے نال ناانصافی ہوئی، انصاف لئی ایتھے آئے آں۔ تعلقات بنان لئی گنڈھاں کھولنی پیندیاں نیں۔ بدقسمتی نال جدوں سرکار کم نہیں کردی تے نقصان عام بندے دا ہوندا اے۔