دیس بھر وچ اج توں پرائمری سکولز کھولن دا فیصلہ

اسلام آباد(بھلیکھا ٹی وی ) وفاقی حکومت نے دیس بھر وچ اج توں پرائمری سکولز کھولن دا فیصلہ کر لیا۔ شفقت محمود آکھیا بالاں دے مستقبل نوں مدنظر رکھ کے فیصلہ کیتا۔ وفاقی وزیر تعلیم شفقت محمود نے معاون خصوصی ڈاکٹر فیصل سلطان دے نال نیوز کانفرنس کردیاں آکھیا این سی او سی اجلاس وچ سارے صوبیاں نوں آن بورڈ لیا گیا، آزاد کشمیر، گلگت بلتستان دے حکام وی اجلاس وچ شریک سن۔ دیس وچ تقریباً 3کروڑ بچے پرائمری تعلیم حاصل کردے نیں، اج توں ملک بھر دے پرائمری سکول کھولن دا متفقہ فیصلہ ہویا اے، سارے فیصلے ملک بھر توں اکٹھے کیتے گئے ڈیٹا نوں جانچن تے صوبیاں دی رائے لین دے بعد کیتے گئے۔ شفقت محمود دا کہنا سی ایس او پیز تے عملدرآمد نہ کرن تے کئی سکول بند کیتے گئے، آئندہ وی ایس او پیز تے عملدرآمد نہ کرن والے سکولاں دے خلاف کاروائی کیتی جائے گی، چھوٹے بچے ہن سکول آ رہے نیں، ایہناں لئی ماسک پانا تے دوجے ایس او پیز تے عملدرآمد یقینی بنا۔

اپنا تبصرہ گھلو