نیب توں ڈرن والے نہیں : آخری آپشن استعفے ہون گے : یوسف رضا گیلانی

اسلام آباد ( بھلیکھا ٹی وی ) یوسف رضا گیلانی نے آکھیا اے کہ معاشی استحکام لئی سیاسی استحکام بوہت ضروری اے ، نیب توں ڈرن والے نہیں ،آخری آپشن استعفے ہون گے ۔رہنما پاکستان پیپلز پارٹی تے سابق وزیر اعظم یوسف رضا گیلانی نے میڈیا نال گل بات کر دیاں آکھیا کہ گرفتاریاں معنی نہیں رکھدا ۔، ویکھنا اے کہ حکومت دا معیار کیہ اے ؟ اگر حکومتی منشور اُتے عمل درآمد ہندا اے تے عوام مطمئن ہوئے گی ۔ لیڈر شپ دے بغیر کوئی تحریک ہوئے گی تے او خطرناک ہوئے گا ۔ اسمبلی چھڈن دا معاملہ آیا تے فیصلہ ساریاں جماعتاں دا ہوئے گا ۔یوسف رضا گیلانی نے آکھیا کہ ساڈی حکومت وچ کوئی سیاسی قیدی نہیں سن ، اگر ساڈی قربانی نال مل ٹھیک ہو سکدا اے تے کوئی مسئلہ نہیں ۔