سلمان شہباز دے اکاؤنٹ وچ بجری والے دے ناں توں ہزاراں ڈالر منتقلی دا انکشاف

لہور: شہباز شریف فیملی منی لانڈرنگ انکوائری وچ بجری والے دے ناں توں ہزاراں ڈالر منتقلی دا انکشاف ہویا اے۔ شہباز شریف تے اوہناں دی فیملی نوں منی لانڈرنگ دے راہیں لکھاں کروڑاں روپے گھلن والے ملزمان وچ پاپڑ فروش، مزدور تے کباڑیے دے بعد اِٹاں، بجری والے دی وی انٹری ہو گئی ۔ بجری والے دا تعلق اندرون سندھ دے چھوٹے جہے قصبے توں نکلیا جہنے رقم توں لاعلمی دا اظہار کیتا۔ نیب دستاویزات وچ ایس امر دا انکشاف کیتا گیا اے سندھ دے قصبے گوٹھ گجو دے بجری والے پرویز پھلپوٹو کے ناں توں 45ہزار 450امریکی ڈالر سلمان شہباز نوں منتقل ہوئے۔ 6مئی 2010نوں الزارونی ایکسچینج دبئی توں 45ہزار 450ڈالر دی رقم سلمان شہباز نوں منتقل ہوئی تے رقم گھلن لئی جہڑے بندے دا اکاؤنٹ استعمال کیتا گیا اوہ صرف اِٹاں تے بجری دا کم کردا اے جہنے رقم دی منتقلی توں لاعلمی دا اظہار کیتا اے۔