حجاج دی جمع کروائی گئی رقم تے بینکاں توں سود لیا جاندا اے: وزارت مذہبی امور

اسلام آباد: وزارت مذہبی امور نے قومی اسمبلی وچ حجاج دے پیسیاں تے سود دی رقم بارے تفصیلات فراہم کر دتیاں۔ وزارت مذہبی امور ولوں قومی اسمبلی وچ حجاج دے پیسیاں تے سود بارے تحریری جواب جمع کروایا گیا جہدے وچ آکھیا گیا حجاج دی جمع کروائی گئی رقم تے بینکاں توں سود لیا جاندا اے تے سود دی رقم حجاج دی ویکسین، ٹریننگ، دواواںتے میڈیا کیمپین تے خرچ کیتی جاندی اے۔

وزارت مذہبی امور ولوں تحریری جواب وچ آکھیا گیا پچھلے ورھے 3لکھ 74ہزار 857پاکستانیاں نے حج درخواستاں جمع کروائیاں تے حجاج دی رقم تے 2018وچ 21کروڑ روپے دا سود حاصل ہویا، درخواستاں دے نال 106ارب 41کروڑ روپے توں ودھ رقم اکٹھی ہوئی۔

وزارت مذہبی امور دا کہنا سی پچھلے پنج ورھیاں دے دوران 1ارب 17کروڑ روپے دا سود حاصل ہویا جد کہ قرعہ اندازی دے بعد نکام درخواست گزاراں نوں رقم واپس کر دتی جاندی اے۔

اپنا تبصرہ گھلو