نیب دی نوازشریف دا پاسپورٹ تے شناختی کارڈ منسوخ کرن دی سفارش

اسلام آباد: نیب نے سابق وزیراعظم نوازشریف دا شناختی کارڈ تے پاسپورٹ منسوخ کرن دی سفارش کر دتی۔ قومی احتساب بیورو (نیب) دا نوازشریف دے خلاف اک ہور وڈا اقدام ساہمنے آیا اے، نیب راولپنڈی نے وزارت داخلہ توں نوازشریف دا پاسپورٹ تے شناختی کارڈ، منسوخی دی سفارش کر دتی اے۔ ایس حوالے نال نیب نے وزارت داخلہ نوں خط وی لکھیا اے تے وزارت داخلہ نے نیب راولپنڈی ولوں لکھیا گیا خط موصول ہون دی تصدیق کر دتی۔ نیب دے خط وچ موقف پیش کیتا گیا اے عدالت توں نوازشریف دے وارنٹ گرفتاری جاری ہو چکے نیں تے اوہناں دے اشتہاری قرار دین دا عمل وی شروع کر دتا گیا اے ایس لئی نوازشریف دی سفری دستاویزات نوں منسوخ کیتا جائے تے اوہناں دا پاسپورٹ تے شناختی کارڈ بلیک لسٹ وچ شامل کیتا جائے، جد کہ وزارت داخلہ نوازشریف نوں وطن واپس لیان لئی انٹرپول نال وی رابطہ کرے۔