سپریم کورٹ نے وزیر اعظم نوں نوٹس گھل دتا

اسلام آباد ( بھلیکھا ٹی وی ) سپریم کورٹ نے وکلا کنونشن سینٹر دی تقریب وچ شرکت کرن اُتے وزیر اعظم عمران خان نوں نوٹس گھل دتا۔ عدالت نے اٹارنی جنرل ، ایڈووکیٹ جنرل پنجاب ، انچارج کنونشن سینٹر تے متعلقہ وزارتاں نوں نوٹس گھل دتے ۔عدالت عظمیٰ دے جسٹس قاضی فائز عیسی نے ریمارکس دتے کہ وزیر اعظم پورے ملک دا اے کسی اک گروپ دا نہیں ، عمران خان ریاست دے وسائل نوں غلط استعمال کیوں کر رہے نیں ؟ ایہہ معاملہ آئین دی تشریح تے بنیادی حقوق دا اے ۔

بظاہرکنونشن سینٹر وچ وزیر اعظم عمران خان نے ذاتی حیثیت وچ شرکت کیتی ۔جسٹس قاضی فائز عیسی دا کہنا سی کہ وزیر اعظم عمران خان دی کسی خاص گروپ دے نال لائن نہیں ہو سکدی ، اوہناں نے وکیلاں دی تقریب وچ شرکت کر کے کسی اک گروپ دی حمایت کیتی ۔انچارج کنونشن سینٹر دسن کہ کیہ ایس تقریب دے اخراجات دے دتے گئے ؟ وزیر اعظم ملک دے ہر فرد دا وزیر اعظم اے ۔ایڈیشنل ایڈووکیٹ جنرل پنجاب قاسم چوہان نے آکھیا کہ ہر سیاسی جماعت دا اک ونگ اے ، آرٹیکل17جلسے جلوس دی اجازت دیندا اے ۔جس اُتے جسٹس قاضی فائز عیسی نے آکھیا کہ وزیر اعظم دا رتبہ وڈا اے ۔ تقریب کسی پرائیویٹ ہوٹل وچ ہندی تے ہور گھل سی ، تقریب لئی ٹیکس پیئر دے ویو نیو دا استعمال کیتا گیا ۔

اپنا تبصرہ گھلو