چیف جسٹس بلوچستان دا بچے نال زیادتی تے قتل دے واقعے دا نوٹس

کوئٹہ: چیف جسٹس بلوچستان نے میزئی اڈا وچ بچے نال زیادتی دے واقعے دا نوٹس لے لیا۔ چیف جسٹس بلوچستان جمال خان مندوخیل نے میزئی اڈا قلعہ عبداللہ وچ بچے نال زیادتی تے قتل دے واقعے دا نوٹس لیندیاں ہوئیاں کمشنر کوئٹہ، ڈی آئی جی پلس، ڈی سی قلعہ عبداللہ توں واقعے دی رپورٹ طلب کر لئی اے تے حکم دتا اے آئی جی پلس، کمشنر کوئٹہ ڈویژن تے ڈپٹی کمشنر قلعہ عبداللہ ذاتی حیثیت توں اج چیمبر وچ حاضر ہون۔ واضح رہوے قلعہ عبداللہ وچ پچھلی رات نامعلوم بندیاں نے 8سالہ بچے انعام اللہ نوں بدفعلی دے بعد قتل کرکے لاش درخت نال لٹکا دتی سی جد کہ لیویز دا کہنا اے واقعے وچ ملوث دو مشتبہ بندیاں نوں گرفتار کر لیا اے۔