کپاس دی قیمت 8ہزار روپے فی من ہو گئی

کراچی: کپاس دی قیمت 400روپے وادھے نال 8ہزار روپے فی من دی سطح تے اپڑ گئی۔

عالمی مارکیٹ وچ کپاس دیاں قیمتاں وچ وادھے تے پانی دی قلت دے باعث سندھ وچ کپاس دی بوائی ہن تیک شروع نہ ہون نال اوہدی قیمت وچ وادھے دا رجحان جاری اے۔ چار دیہاڑ دے دوران کپاس دی قیمت 400روپے وادھے نال 8ہزار روپے فی من تیک اپڑ چکی اے۔ کاٹن جنرز فورم دے چیئرمین احسان الحق دے مطابق فروری دے آخر تیک سندھ وچ کپاس دی بوائی شروع ہو جاندی اے ،پر پانی دی کمی ہون دے باعث سندھ وچ کپاس دی بوائی تاخیر دا شکار اے۔ دوجے پاسے بین الاقوامی مارکیٹ وچ کپاس دیاں قیمتاں وچ وادھا ہو رہیا اے ایہو وجہ اے کہ مقامی مارکیٹ وچ وی کپاس مہنگی ہو رہی اے۔