اقتصادی رابطہ کمیٹی نے بجلی دِیاں قیمتاں وچ وادھے دی منظوری دے دِتی

اسلام آباد: اقتصادی رابطہ کمیٹی نے بجلی دِیاں قیمتاں وچ وادھے دی منظوری دے دِتی۔

اقتصادی رابطہ کمیٹی ایس توں پہلاں 2 واری بجلی دے نرخ بارے فیصلہ موخر کر چکی اے۔ وزیر خزانہ اسد عمر دی زیر صدارت اقتصادی رابطہ کمیٹی دا اجلاس ہویا جیہدے وچ بجلی دِیاں قیمتاں وچ وادھے دی منظوری دِتی گئی۔ ذرائع دے مطابق وزیر خزانہ اسد عمر نے آکھیا بجلی دِیاں قیمتاں وچ وادھا توقع توں گھٹ کیتا گیا اے، واجبات دی وصولی تے گردشی قرضیاں نوں گھٹ کرن لئی اقدامات کیتے نیں۔

اسد عمر نے بجلی دِیاں قیمتاں وچ وادھے بارے تفصیلات دین توں گریز کیتا۔ دوجے پاسے ذرائع دا کہنا اے اقتصادی رابطہ کمیٹی نے 300 روپے یونٹ استعمال کرن والے گھریلو صارفین لئی بجلی دی قیمت وچ کوئی وادھا نہیں کیتا سگوں 300 یونٹ توں ودھ بجلی استعمال کرن والیاں لئی بجلی 10 فیصد مہنگی کیتی گئی اے۔

ذرائع دے مطابق حکومت نے زرعی شعبے نوں بڑا ریلیف دِتا اے تے بجلی دے نرخ 10 روپے 50 پیسے فی یونٹ توں گھٹ کرکے 5 روپے فی یونٹ مقرر کیتے گئے نیں۔