آئی ایم ایف نال اُصولی اتفاق ہو گیا، حالات چھیتی چنگے ہو جاون گے

Asad Umar

اسلام آباد: اسد عمر دا آکھنا اے آئی ایم ایف نال اصولی اتفاق ہوگیا اے، وفد رواں مہینے دے آخیرلے ہفتے وچ پاکستان آوے گا، آئی ایم ایف نال معاملات تے پارلیمنٹ نوں اعتماد وچ لین گے، حالات بڑی چھیتی چنگے ہو جاون گے۔

اسد عمر اج امریکا توں دیس واپسی بعدوں قومی اسمبلی دی قائمہ کمیٹی برائے خزانہ دے اجلاس وچ شریک ہوئے۔ وزیر خزانہ نے دَسیا آئی ایم ایف ،عالمی بینک تے دنیا دے وڈے سرمایہ کاراں نال ملاقات ہوئی، حالات بڑی چھیتی چنگے ہو جاون گے ۔ اوہناں نے آکھیا پچھلے دوراں وچ آئی ایم ایف نال معاہدہ دی تفصیلات پبلک نہیں کیتیاں گئیاں، جدوں آئی ایم ایف نال معاہدہ ہووے گا میں آپ کمیٹی وچ آ کے ڈرافٹ شیئر کراں گا، معاہدہ ہوون توں پہلاں تفصیلات شیئر نہیں کیتی جاسکدی۔

وزیر خزانہ دا آکھنا سی بجٹ دے حوالے نال سارے ارکان کمیٹی اپنی تجاویز دیون، آئی ایم ایف نال قرض دے معاہدے دستخط ہوندیاںپتہ لگا کہ قرض دا حجم کیہ اے۔ اوہناں نے آکھیا ایف اے ٹی ایف نوں اج ایکشن پلان گھلیا جاوے گا، مئی دے وسط وچ ایف اے ٹی ایف دی ٹیم آوے گی، فیٹف ٹیم پاکستان آوے تے رپورٹ پیش کیتی جاوے گی۔

اوہناں نے آکھیا پاکستان نے تاریخ وچ ایہناں زیادہ خساریاں دا سامنا نہیں کیتا، نوبت ایتھے تیک آ گئی سی کہ 15 دیہاڑ لئی ادائیگیاں دے پیسے موجودنہیں سن، ہن پاکستان بحران دی کیفیت توں نکل چکیا اے۔ اسد عمر نے آکھیا آئی ایم ایف نال چینی قرضیاں تے حالیہ دورے وچ کوئی گل بات نہیں ہوئی، آئی ایم ایف نال 6 توں 8 ارب ڈالر قرض مل سکدااے۔

نئی تبصرہ شامل کریں

About text formats

متعلقہ خبریں

کسے وی قسم دا شرعی کاروبار کرن لئی ایس ای سی پی دی اجازت لازمی قرار

اسلام ٓباد: سکیورٹی اینڈ ایکسچینج کمیشن آف پاکستان نے شریعہ گورننس ریگولیشن 2018 نافذ کر دِتا۔

نومبر 02, 2018

دیس وچ 10ورھیاں مگروں سمندر تھلے تیل تے گیس لبھن دا کم شروع

کراچی: دیس وچ 10ورھیاں مگروں سمندر تھلے تیل تے گیس لبھن دا کم شروع کر دِتا گیا۔

جنوری 14, 2019

اقتصادی رابطہ کمیٹی دا اجلاس، فضل فیلڈ توں گیس فراہمی دی سمری منظور

اسلام آباد: وفاقی وزیر خزانہ اسد عمر دی زیر صدارت اقتصادی رابطہ کمیٹی نے 7نکاتی ایجنڈے وچ شامل پاکستان بناؤ سرٹیفکیٹس لئی 18کروڑ، فضل فیلڈ توں گیس

مارچ 05, 2019

چین نے پاکستانی آلو خریدن دی پیشکش کر دِتی

کراچی: چین نے پاکستان دے آلو دے کاشتکاراں نوں بحران توں کڈھن لئی پاکستان آلو درآمد کرن دی پیشکش کر دِتی اے۔

جنوری 17, 2019

اوپن مارکیٹ وچ ڈالر، ریال، پاؤنڈ تے اماراتی درہم مہنگا ہو گیا

کراچی: اوپن مارکیٹ وچ ڈالر 70پیسے مہنگا ہو کے 116روپے 50پیسے تے اپڑ گیا جد کہ ریال، درہم تے برطانوی پاؤنڈ وچ وی وادھا ویکھیا جا رہیا اے۔

مارچ 29, 2018

حکومت دا عوام کولوں اک لیٹر پٹرول اُ تے34 ، ڈیزل اُتے 40 روپے منافع پھڑیا

اسلاما آباد: حکومت عوام کولوں ٹیکسز دی مد وچ پٹرول اُتے34روپے تے ڈیزل اُتے40روپے منافع پھڑن لگی۔ پٹرول دی ایکس ریفائنری قیمت50روپے27پیسے فی لیٹر ا

فروری 14, 2018