کوئی شہری اگر گُواچیا تے علاقے دے SSP اُتے مقدمہ ہوئے گا : عدالت

کراچی( پنجابی میڈیا گروپ) سندھ ہائیکورٹ نے گراچن والیاں بارے آکھیا کہ کوئی شہری اگر گواچیا تے اوس علاقے دے ایس ایس پی اُتے مقدمہ ہوئے گا ۔عدالت نے محکمہ داخلہ سندھ نوں معاملے اُتے جے آئی ٹی اجلاس سدھ لیا تے آئی جی سندھ نوں گواچن والے شہریاں نوں لبھن بارے معاملات دا جائزہ لیتا تے گواچن والے شہری عمر فاروق، احسان تے ہوراں نوں لبھن لئی خصوصی اقدامات کرن دا حکم دتا ۔جسٹس نعمت اللہ پھلپھوٹو دی سربراہی وچ جسٹس عبد المبین لاکھو اُتے دو رُکنی بینچ دے آمنے ساہمنے گواچن والیاں نوں لبھن لئی درخواستاں اُتے سماعت ہوئی تے گواچن والے شہریاں دے گھر والیاں نال عدالت وچ گل بات کیتی ۔گواچن والے علی مہدی دی بہن نے آکھیا کہ گواچن والے پُتر نوں لبھدیاں لبھدیاں میرے ابو ایس دُنیا توں پردہ کر گئے تے اوس دا جواب اوہناں توں اللہ لئے گا ۔عدالت نے 11فروری نوں پیش رفعت رپورٹپیش کرن دا حکم دیندیاں ہوئیاں وفاقی سیکرٹری داخلہ تے سیکرٹری دفاع توں رپورٹ منگ لئی تے دسیا جائے کہ گواچن والے شہریاں نوں لبھن لئی کیہڑے کیہڑے اقدامت کیتے جا رہے نیں ۔