عمران خان صاحب ہمت کرکے قوم نوں دسو کہ تہانوں ہن این آراو چاہیدا اے:مریم اورنگزیب

اسلام آباد(پنجابی میڈیا گروپ) پاکستان مسلم لیگ(ن) دی ترجمان مریم اورنگزیب نے براڈ شیٹ اسکینڈل دی چھان بین لئی جسٹس(ر) عظمت سعید دی تقرری رد کردتی۔ ترجمان مسلم لیگ ن مریم اورنگزیب نے آکھیا اے کہ جہناں کولوں چھان بین ہونی چاہیدی اے ایہناں کولوں چھان بین کرانا انصا ف دا قتل اے۔ عمران خان صاحب ہمت کرکے قوم نوں دسو کہ تہان ہن این آراو چاہیدا اے۔نیب دے پچھلے پٹی پراسیکیوٹر جنرل توں ای تحقیقات کرانا، براڈ شیٹ دے نال وڈا فراڈ اے، جسٹس (ر) عظمت سعید متنازعہ شخصیت تے معاہدہ کرن والیاں وچ شامل سن۔ بدنام زمانہ براڈ شیٹ دے نال نیب دے معاہدے اتے دستخط دے ویلے شیخ عظمت سعید ڈپٹی پراسیکیوٹر جنرل نیب تے سینئر قانونی عہدے اتے فائز سن، مریم اورنگزیب ہوراں نے مزیدآکھیا اے کہ عمران صاحب نے ثابت کردتا کہ سلیکٹڈ وزیراعظم دے ہیٹاں کوئی وی شفاف، آزادانہ تے منصفانہ چھان بین نہیں ہو سکدی۔ ایہہ تقرری دراصل عمران صاحب تے ایہناں دی سرکار دی بدنیتی اے۔ مریم اورنگزیب داآکھنا سی کہ جسٹس(ر) شیخ عظمت سعید شوکت خانم ہسپتال دے بورڈ آف گورنرز دے رکن نیں، نیب بطور ادارہ براڈ شیٹ دے نال پاکستان نوں پہنچنے والے نقصانات دا ملزم اے،پچھلے ڈپٹی پراسیکیوٹر جنرل کولوں کرائی جان والی چھان بین شٹاف تے منصفانہ کیویں ہو سکدیاں نیں؟،