میرے خلاف سیاست کیتی گئی:فیصل واوڈا

اسلام آباد (پنجابی میڈیا گروپ)الیکشن کمیشن وچ نااہلی دے خلاف درخواست اتے سماعت وچ فیصل واوڈا آکھیا اے کہ میرے خلاف سیاست کیتی گئی ‘بدنام کرن دی کوشش کیتی گئی ‘اگر میری غلطی اے تے پھانسی لگا دیو پر پہلاں مینوں سنو۔الیکشن کمیشن وچ فیصل واوڈا دی نااہلی دے خلاف درخواست اتے چیف الیکشن کمشنرسکندر سلطان راجہ دی سربراہی وچ 4 رکنی بینچ نے سماعت کیتی۔سماعت دے دوران وکیل دفاع نے دلائل دتے کہ فیصل واوڈا قومی اسمبلی دی نشست توں استعفیٰ دے چکے نیں۔ بیان حلفی جمع کرادتا اے ہن ساریاں درخواستاں رد کتیاں جان۔ وکیل فیصل واوڈا نے آکھیا کہ این اے 249 توں فیصل واوڈا استعفی دے چکے نیں، درخواستاں غیر موثر ہو چکیا ں نیں‘ اسیں الیکشن دے تناں سوالاں دے جواب دے رہے آں۔ ہن فیصل واوڈا سینیٹر منتخب ہو چکے نیں۔ وکیل فیصل واوڈ نےآکھیا کہ اک فوٹو کاپی اتے ایہہ کیس چلایا جارہیا اے۔ ہن تے سپریم کورٹ واری واری آکھ رہیا اے کہ 62 ون ایف اتے الیکشن کمیشن دا اختیار نہیں۔