شہباز شریف دیگھر والی نصرت شہباز نوںاشتہاری قرار دین لئی اشتہار لگ گیا

لاہور(پنجابی میڈیا گروپ)منی لانڈرنگ ریفرنس وچ شہباز خاندان دے آسے پاسے گھیرا تنگ کر دتا گیا اے۔ اپوزیشن لیڈر شہباز شریف دی اہلیہ نصرت شہباز نوں اشتہاری قرار دین لئی اشتہار لا دتے گئے۔
منی لانڈرنگ ریفرنس وچ شہباز شریف دی گھر والی نوں اشتہاری قرار دین دی کارروائی دا آغاز کر دتا گیا۔ نیب دے تفتیشی افسر نے احتساب عدالت دے باہر نصرت شہباز نوں اشتہاری قرار دین دا اشتہار لا دتا، ایہ اشتہار نصرت شہباز دی رہائش گاہ تے ہر جگہ اُتے وی آویزاں کیتے گئے نیں۔نوٹس وچ آکھیا گیا اے کہ نصرت شہباز دے ناقابل ضمانت وارنٹ جاری کیتے گئے لیکن اوہ گرفتار نہ ہو سکیاں۔ عدالت وچ عدم پیشی دے باعث نصرت شہباز نوںاشتہاری قرار دین دی کارروائی دا حکم دتا گیا اے۔ منی لانڈرنگ ریفرنس اُتے اگلی سماعت11نومبر نوںہوئے گی۔

اپنا تبصرہ گھلو