ن لیگ دی سلمیٰ بٹ رکن پنجاب اسمبلی منتخب

الیکشن کمیشن نے مخصوص سیٹ اُتے کامیابی دا نوٹیفکیشن جاری کر دِتا
اسلام آباد(پنجابی میڈیا گروپ) راہوالی کینٹ گوجرانوالہ توں مسلم لیگ ن دی رہنما سلمیٰ بٹ پنجاب اسمبلی دی رکن منتخب۔ کجھ دن پہلے راولپنڈی توں تعلق رکھن والی ن لیگ دی ایم پی اے منیرہ یامین کورونا وائرس پاروں انتقال کر گئیاں سن تے خواتین دی مخصوص سیٹاں دی لِسٹ وچ منیزہ یامین ستی توں بعد سلمیٰ بٹ ہوراں دا نام آئوندا سی ۔ ہُن الیکشن کمیشن ولوں وی اوہناں دی کامیابی دا نوٹیفکیشن جاری کر دِتا گیا اے۔ اوہناں دے رکن پنجاب اسمبلی بنن نال نوجوان ممبرز پنجاب اسمبلی دی گنتی وچ وی وادھا ہویا اے۔ سلمیٰ بٹ نوجواناں، سوانیاں تے اقلیتاں دے حقاں لئی کم کرن دا وی بھرواں تجربہ رکھدیاں نیں، اوہناں دا شمار مریم نواز، میاں شہباز شریف تے حمزہ شہباز دے قریبی اور با اعتماد ساتھیاں وچ ہوندا اے۔
اوہناں دے ایم پی اے دا نوٹیفکیشن جاری ہون توں بعد مبارکباد دا سلسلہ وی جاری اے

اپنا تبصرہ گھلو