ٹُٹی پھُٹی PDM گلیاں وچ رُل رہی اے : فردوس عاشق اعوان

اسلام آباد(پنجابی میڈیا گروپ ) وزیراعلیٰ پنجاب دی معاون خصوصی ڈاکٹر فردوس عاشق اعوان نے آکھیا اے کہ ٹوٹی پھوٹی پی ڈی ایم گلی کوچیاں وچ رسوائی سمیٹ رہی اے،،ٹٹی پھوٹی پی ڈی ایم مولانا فضل الرحمان دی قیادت وچ لوکائی کولوں ٰآخری سہارا منگدے پے نیں۔ تفصیلات دے مطابق جمعرات دے دیہاڑے اک ٹوئٹ وچ فردوس عاشق اعوان دا آکھنا سی کہ اقتدار دی ہوس وچ اندھی ‘‘ٹوٹی فروٹی’’ دے رنگاں اتے مشتمل ‘‘ٹوٹی پھوٹی پی ڈی ایم ’’ مولانا فضل الرحمان دی قیادت وچ ‘‘جھوٹھ، جھوٹھ تے صرف جھوٹھ’’ نوں آخری سہارامنگدیاںہویاں ملکدے گلی محلیاں وچ دربدررسوائی سمیٹ رہی اے۔ دنیا پاکستان دیمعیشت دی معترف جدکہ اک ساڈا مولانا فضل الرحمان تے محمود خان اچکزئی افغانستان دے سحر توں اج تیک نکل نہیں پارہے، اسمبلیاں توں استعفیاں دی گلاں کرن والیاں نے استعفے تے نہ دتے البتہ ایہناں دی عقل استعفیٰ دے چکی اے۔