پاک بحریہ دے تن کموڈورز نوںریئر ایڈمرل دے عہدے اتے ترقی دیدتی گئی

اسلام آباد(پنجابی میڈیا گروپ) پاک بحریہ دے تن کموڈورز نوںریئر ایڈمرل دے عہدے اتے ترقی دیدتی گئی۔ترجمان پاک بحریہ دے مطابق ترقی پان والیاں وچ کموڈور جاوید اقبال، کموڈور محمد سہیل ارشد تے کموڈور سلمان الیاس شامل نیں۔ریئر ایڈمرل جاوید اقبال تے ریئر ایڈمرل محمد سہیل ارشد نے 1989 جدکہ ریئر ایڈمرل سلمان الیاس نے 1990 ء وچ پاک بحریہ وچ کمیشن حاصل کیتا۔ترقی پان والے افسران پاکستان نیوی وار کالج لہور تے نیشنل ڈیفنس یونیورسٹی اسلام آباد توں فارغ التحصیل نیں۔ تنوںافسران پاک بحریہ وچ کمانڈ تے اسٹاف دی متعدد اہم ذمہ داریاں سرانجام دے چکے نیں۔

اپنا تبصرہ گھلو