ٹرانسپرنسی انٹرنیشنل رپورٹ اتے وی وزیراعظم نے غلط بیانی کیتی،مریم اورنگزیب

لہور( سٹی رپورٹر)مسلم لیگ ن دی ترجمان مریم اورنگزیب نے آکھیا اے کہ ملک اتے مسلط حکمران خود کرپٹ نیں، سرکاری خزانے توں پیسہ کھان والے کہڑے نیں ؟ہرشعبہ وچ حکومتی کرپشن دی داستاناں موجود نیں۔ ٹرانسپیرنسی انٹرنیشنل رپورٹ اتے وی وزیراعظم نے غلط بیانی کیتی۔

لہور وچ احتساب عدالت دے بار میڈیا دے نال گل بات کردیاں ہویاں مریم اورنگزیب نے آکھیاکہ شہبازشریف نے پنجاب لئی ترقیاتی کم کیتے نیں، شہباز شریف اتے کرپشن داکوئی کیس ثابت نہیں ہویا،موجودہ حکومت نے پورے ملک نوں کرپشن دی منڈی بنا کے رکھ دتا۔ احتساب تے سیاسی غبارے توں ہوا نکل گئی اے۔ اوہناں نے مزیدآکھیااے کہ سرکار نے ڈھائی سال وچ 11 ہزار 500 ارب دا قرضہ لیا،ملکی تاریخ وچ کسی حکومت نے اتنی تیزی دے نال قرضہ نہیں لیا۔