دیس دی وڈی جماعت نوں سینٹ الیکشن توں فارغ کرنا ناقابل فہم اے: نواز شریف

nawaz

لہور: نواز شریف دا کہنا اے کہ ملک دی سبھ توں وڈی جماعت نوں سینٹ الیکشن توں آؤٹ کرنا ناقابل فہم اے۔

سانوں چور، ڈاکو تے ڈرگ ڈیلر آکھیا گیا۔ اوہناں نے آکھیا کوئی اک، دو یا 10روپے کرپشن دا ای دس دیو۔ ن لیگ دی مرکزی ایگزیکٹو کمیٹی دے اجلاس نال سابق وزیراعظم نواز شریف نے خطاب کردیاں آکھیا میرے خلاف کوئی کیس نیب نے نہیں بنایا، منتخب وزرائے اعظم نوں ذلیل کیتا جاندا رہیا۔

اوہناں نے آکھیا ہر مارشل لاء نوں نظریہ ضرورت دے تحت تحفظ دتا گیا، مارشل لاء تے مہر لائی گئی، آمراں دے ہتھ تے بیعت ہوندی رہی۔ اوہناں دا کہنا سی چھ مہینے وچ میرے اُتے اک دھیلے دی کرپشن دا کیس ساہمنے نہیں آیا۔ نواز شریف نے ہور آکھیا 1947 توں ایہہ کم شروع ہویا تے اج تیک ختم نہیں ہویا۔

تاریخ نوں قبر وچ دفن نہیں کیتا جا سکدا۔ اک نویں تاریخ رقم ہو رہی اے ، جو 70ورھیاں توں کردے آئے ایہہ اوہدا اک باب اے۔ اوہناں نے آکھیا میں حیران آں تے میری حیرانی بالکل جائز اے، کدوں تیک اسیں ایہہ کردے رہواں گے۔

ساڈی جماعت ایہنوں قبول نہیں کرے گی کہ جیہڑا چاہوے اوہنوں ہانکے، پی سی او دے تحت حلف لینا ملک وچ سبھ توں وڈا جرم اے۔ سابق وزیراعظم دا کہنا سی تسیں ایہو جیہے فیصلے دیو، نواز شریف اوہنوں قبول نہیں کر سکدا۔ عوامی طاقت نال آن والیاں نوں تسیںایسراں کڈھ دیندے او؟ اوہناں نے آکھیا میں جے خاموش آں تے میرے ضمیر تے دل و دماغ توں پُچھو، برملا آکھاں گا کہ ایہہ فیصلہ نہیں من دا، ایہو جیہا فیصلہ من لینا ساڈے ضمیر تے اصولی موقف دی توہین اے۔ اوہناں دا کہنا سی کتھے اے عوام دی حاکمیت، کتھے اے عوام دی عزت؟ بہت ہو گیا، بہت سیاسی لیڈر پھانسیاں چڑھ چکے، سیاستدان آسان ہدف نیں، ہتھ کڑیاں لوا دیو تے ملک بدر کروا دیو۔

نئی تبصرہ شامل کریں

About text formats

متعلقہ خبریں

نوازشریف دے بیان توں بھارتی بیانیے نوں ٹیک ملی: شاہ محمود

اسلام آباد: تحریک انصاف دے رہنما شاہ محمود قریشی آکھیا نوازشریف پاکستان نوں بدنام کرن دا کوئی موقع نہیں چھڈ رہے۔

اوہناں دے بیان توں بھا

مئی 15, 2018

آصف زرداری جیل نہ گئے تے اوہناں دا حال وی متحدہ بانی جیہا ہووے گا: فردوس شمیم

کراچی: فردوس شمیم نقوی دا آکھنا سی کہ آصف زرداری جیل نہ گئے تے اوہناں دا حال وی متحدہ بانی جیہا ہووے گا، پیپلز پارٹی اپنی چوری بچان لئی ا

جنوری 29, 2019

سپریم کورٹ نے پرویز مشرف دے چوناں وچ حصہ لین دا حکم واپس لے لیا

لہور: سپریم کورٹ نے سابق صدر پرویز مشرف دے انتخابات وچ حصہ لین دا حکم واپس لے لیا۔

سپریم کورٹ لہور رجسٹری وچ چیف جسٹس دی سربراہی وچ 4 رکن

جون 14, 2018

مجاہد کامران سَنے دوجے ملزماں دے جوڈیشل ریمانڈ وچ 15 دیہاڑے دا وادھا

لہور دی احتساب عدالت نے پنجاب یونیورسٹی وچ غیر قانونی بھرتیاں دے معاملے تے سابق وائس چانسلر ڈاکٹر مجاہد کامران سَنے دوجے ملزماں دے جوڈیشل ریمانڈ و

نومبر 05, 2018

بجٹ دی آمد آمد: غریب دی پریشانی ودھ گئی، نیندراں حرام

اسلام آباد: نوے مالی ورھے دا بجٹ اج پیش کیتا جاوے گا۔ تے غریب دی پریشانی ہور ودھ گئی۔ پہلاں ای گھر دا چولہا مشکل نال چلنا سی، ہن حالات ہور ابتر ہ

اپریل 27, 2018