سینیٹ چوناں وِچ خیبرپختونخواہ دے لوک وی وِکے، عمران خان

Imran khan

کراچی: چیئرمین تحریک انصاف عمران خان دا کہنا اے کہ سینٹ الیکشن وِچ جمہوریت دی نفی ہوئی تے پیشہ چلیا اے جد کہ افسوس نال کہنا پیندا اے کہ خیبرپختونخواہ دے لوکاں تے وی پیسہ چلیا تے کئی لوکاں نے اپنے آپ نوں ویچیا۔

کراچی وِچ میڈیا نال گل کردیاں عمران ہوراں کہیا کہ کراچی وِچ گندگی اپنی تھاں پر ایتھے کرپش اے، شہر وِچ دہشت گردی تے خوف دی وجہ نال پڑھے لکھے لوک سیاست وِچ نہیں آؤندے سن، خوف دی وجہ نال شہر وِچ ترقی نہ ہو سکی تے لوک نوکریاں لبھن دُبئی ٹُر گئے۔

اوہناں کہیا کہ کراچی لاوارث اے ایہنوں کسے نے اون نہیں کیتا، کراچی دے گارڈ فادر لندن چلے گئے تے سندھ وِچ جو حکومت آئی اے اوہنوں کراچی نال کوئی دلچسپی نہیں، کیوں جو اوہناں نے ایتھوں ووٹ نہیں لینے، پیپلز پارٹی نے کراچی نوں دُدھ ویچن والی گاں سمجھیا اے، شہر وِچ مافیا غالب اے سبھ کجھ کھنڈر کر دِتا گیا۔ چیئرمین پی ٹی آئی دا کہنا سی کہ کراچی پُلس نوں تباہ کر دِتا گیا اے، ایسے لئی رینجرز ایتھے موجود اے، ایتھے خیبر پختونخواہ طرز دا پُلس سسٹم ضروری اے، ایتھے پیسے دے کے ٹرانسفر پوسٹنگ ہوندی اے، اسیں اِک نواں نظام لیاواں گے، شہر وِچ مقامی حکومت نوں مضبوط کرنا اے، میئر براہِ راست چُن کے آنا چاہیدا اے۔

ٓآؤن والیاں چوناں وِچ کراچیوں لڑن دا اعلان عمران خان نے کہیا کہ یقین دواندا ہاں کہ کراچی دا انفراسٹرکچر ٹھیک کراں گے ایہہ فیر روشنیاں دا شہر بن سکدا اے۔ چیئرمین پی ٹی آئی نے 2018دا الیکشن کراچیوں لڑن دا اعلان کردیاں کہیا کہ الیکشن دے حلقے دا فیصلہ ٹیم کرے گی۔ اوہناں دا کہنا سی کہ اسیں آپ وفاق دی جماعت سمجھدے ہاں، باقی جماعتاں صوبیاں تیک محدود ہو گئیاں نیں، وفاق دی جو وی جماعت ہوندی اے اوس لئی ضروری اے کہ اوہ کراچی نوں اُٹھائے، تخت لہور توں کراچی نوں وی کجھ نہیں ملیا، سندھ والیاں نے وی کوئی پرواہ نہ کیتی، اسیں الیکشن جِتاں گے تے کراچی ٹھیک کر کے دکھاواں گے۔ اِک سوال دے جواب وِچ عمران خان نے کہیا 2018دا الیکشن تاریخی ہووے گا جو ملک نوں بدل دیوے گا۔ چیئرمین پی ٹی آئی نے دعویٰ کیتا کہ شریف خاندان 300دی تھاں 900ارب روپے باہر لے گیا، ایہہ ایہناں دی دولت اے، ہُن سبھ نوں سمجھ آ جانی چاہیدی اے کہ کیوں نکالا دا دورہ کیوں ہو رہیا اے، اوہناں نوں سزا دا ڈر اے جو اوہناں نوں ہونا اے۔

نئی تبصرہ شامل کریں

About text formats

متعلقہ خبریں

پشاور رجسٹری چ وكهو وکھ کیساں دی سُنوائی، پرویز خٹک طلب

پشاور: چیف جسٹس آف پاکستان جسٹس ثاقب نثار نے صاف پانی دی فراہمی سمیت وکھو وکھ کیساں دی سنوائی دے دوران وزیر اعلیٰ خیبر پختونخواہ پرویز خٹک نوں طل

اپریل 19, 2018

خیبر پختونخوا پُلس دا مولانا فضل الرحمان تے حملے دا خدشہ

اسلام آباد: خیبر پختونخوا پُلس نے مولانا فضل الرحمان تے حملے دا خدشہ ظاہر کردیاں اوہناں نوں پشاور دا دورہ محدود کرن تے سکیورٹی سخت کرن دا

نومبر 03, 2018

جسٹس (ر) دوست محمد خان خیبرپختونخواہ دے نگران وزیراعلیٰ چُنے گئے

اسلام آباد: جسٹس (ر) دوست محمد خان نوں نگران وزیر اعلیٰ خیبرپختونخواہ دے عہدے لئی چُن لیا گیا ۔ خیبرپختونخواہ دے نگراہ وزیر اعلیٰ دی نامزدگی دے مع

جون 05, 2018

امریکا اپنیاں غلطیاں لُکان لئی الزام تراشی نہ کرے: بلاول بھٹو

واشنگٹن: پیپلزپارٹی دے چیئرمین بلاول بھٹو زرداری دا آکھنا اے کہ امریکا اپنی کوتاہیاں نوں لُکان لئی الزام تراشی نہ کرے، نویں حکومت لئی پاکستان دا ح

فروری 10, 2018

شامیں 7 وجے توں پہلاں انتخابی نتیجیاں دے اعلان اُتے پابندی

اسلام آباد: الیکشن کمیشن نے شام 7 وجے توں پہلاں انتخابی نتائج دے اعلان تے پابندی لاگو کر دِتی اے۔

اسلام آباد وچ چیئرمین پیمرا نے چیف ال

جولائی 05, 2018

ساڈا دور سی یا کوئی ہور، کدی شفاف احتساب نہیں ہویا: سعد رفیق

اسلام آباد: وزیر ریلوے خواجہ سعد رفیق نے قومی احتساب بیورو (نیب) وچ پیشی لئی نویں تاریخ منگ لئی تے آکھیا کہ چاہے ساڈا دور سی یا کوئی ہور، ایس مل

مارچ 22, 2018