توہین عدالت کیس: نہال ہاشمی دی تھاں ہوندا تے شرم نال مر گیا ہوندا: چیف جسٹس

Nehal

اسلام آباد: چیف جسٹس پاکستان جسٹس ثاقب نثار نے توہین عدالت ازخود نوٹس دی سماعت دے دوران ریمارکس دِتے نیں کہ نہال ہاشمی دی تھاں میں ہوندا تے ہن تیک شرم نال مر گیا ہوندا۔

چیف جسٹس میاں ثاقب نثار دی سربراہی وچ سپریم کورٹ دے تن رکنی بینچ نے مسلم لیگ (ن) دے رہنما نہال ہاشمی دے خلاف توہین عدالت کیس دی سماعت کیتی۔ دوران سماعت نہال ہاشمی نے عدالت دے روبرو آکھیا میں عدالت دے رحم و کرم تے آں، چیف جسٹس نے نہال ہاشمی نوں مخاطب کرکے استفسار کیتا کیہ تہاڈیاں گلاں مگروں رحم لئی کیس چلا سکدے آں، کیہ تسیں جیہڑیاں گلاں کیتیاں اوہ اپنی ذات لئی کہہ سکدے او۔

نہال ہاشمی نے چیف جسٹس نوں آکھیا کہ میں ایہہ گلاں عدالت لئی نہیں کیتیاں۔ چیف جسٹس نے ریمارکس دِتے کہ ٹھیک اے فیر ویکھ لیندے آں ایہہ کیہنے کیتیاںِ کمرہ عدالت وچ نہال ہاشمی دی ویڈیو فیر چلوان بعدوں چیف جسٹس نے آکھیا کہ تسیں عدالت عظمیٰ نوں گالھاں دِتیاں، دسو تسیں ایناں گالھاں کہنوں دتیاں، جیہدے تے نہال ہاشمی نے فیر آکھیا کلمہ پڑھ کے کہنا آں کہ عدالت نوں نہیں آکھیا۔

نہال ہاشمی دی گل تے جسٹس اعجاز الاحسن نے استفسار کیتا کہ کون سیاسی کیس سن رہیا سی۔ چیف جسٹس نے نہال ہاشمی ول اشارہ کردیاں آکھیا کہ سزا کٹ کے باہر نکل کے اوہنے ایہہ گل کیتی، جھوٹھ بول کے نہال ہاشمی ہسپتال وچ رہیا، میں نہال ہاشمی دے ہسپتال جان تے کوئی کارروائی نہیں کیتی، اوہنے جیہڑیاں محفلاں جمائیاں اوہ سبھ سانوں پتہ اے، ججاں نوں گالھاں دے کے کرپٹ آکھیا گیا۔

حالے وی عدالت دے ساہمنے جھوٹھ بول رہے او۔ سپریم کورٹ نے معاملے تے وکھو وکھ بارز توں معاونت منگدیاں ریمارکس دِتے کہ کل میرا بچہ پھڑیا گیا تے اوہدا فیصلہ وکیلاں توں کراواں گا، وکیل ای فیصلہ کرن کہ ایس معاملے دا کیہ کرنا اے، وکیل آکھن گے کہ معاف کر دیو تے معاف کرن دا وی ظرف اے۔ کیس دی ہور سماعت کل ہووے گی۔

نئی تبصرہ شامل کریں

About text formats

متعلقہ خبریں

فیض آباد دھرنا کیس: کمیٹی رپورٹ پیش نہ ہون تے عدالت غصے

اسلام آباد: فیض آباد دھرنا کیس دی سنوائی دے دوران راجہ ظفرالحق کمیٹی دی رپورٹ پیش نہ کرن تے عدالت چوکھی ناراضگی دا اظہار کیتا۔

فروری 09, 2018

چیف جسٹس بارے بھیڑی زبان دا استعمال، فیصل رضا عابدی دی ضمانت منظور

اسلام آباد: انسداد دہشت گردی دی عدالت نے چیف جسٹس پاکستان دے خلاف بھیڑی زبان ورتن بارے مقدمے وچ پیپلزپارٹی دے سابق سینیٹر فیصل رضا عابدی دی عبوری

اکتوبر 02, 2018

عمران خان نے خیبرپختونخوا وچ صوبائی کابینہ دی منظوری دے دِتی

بنی گالہ: تحریک انصاف دی قیادت نے خیبر پختونخوا وچ دس رکنی حکومتی کابینہ دی منظوری دے دِتی اے جیہدے وچ اک زنانی وزیر وی شامل اے۔

بنی گالہ

اگست 17, 2018

نیب نے اسحاق ڈار دی پاکستان وچ ساریاں جائیداداں ویچن دی اجازت منگ لئی

اسلام آباد: قومی احتساب بیورو (نیب ) اسلام آباد ہائی کورٹ توں سابق وزیر خزانہ اسحاق ڈار دی پاکستان وچ موجود ساری جائیداد نوں ویچن دی اجازت منگ ل

ستمبر 27, 2018

ایم کیو ایم دی ونڈ دا بالکل وی ساتھ نہیں دیواں گا: فاروق ستار

کراچی: ایم کیو ایم پاکستان دے رہنما فاروق ستار دا کہنا اے اوہ ایم کیو ایم دی ونڈ دا بالکل وی ساتھ نہیں دین گے۔

کراچی سٹی کورٹ وچ میڈیا نا

جون 14, 2018

پی آئی اے دے سی ای او مشرف رسول دی تعینانی کالعدم قرار

اسلام آباد: سپریم کورٹ نے پی آئی اے دے چیف ایگزیکٹو مشرف رسول نوں برطر ف کر دتا۔

فیصلے وچ آکھیا گیا اے کہ سی ای او دی تعیناتی غیر قانو

ستمبر 03, 2018