سپریم کورٹ دا پٹرولیم مصنوعات دِیاں قیمتاں تے اظہار تشویش

Supreme Court

اسلام آباد: سپریم کورٹ نے پٹرولیم مصنوعات دِیاں قیمتاں تے تشویش دا اظہار کر دِتا۔

عدالت نے غیر جانبدار ماہراں نوں معاونت لئی سدن دا حکم دےد ِتا۔ سپریم کورٹ دے ازخود نوٹس تے پٹرولیم مصنوعات دِیاں قیمتاں وچ وادھے تے کیس دی سماعت ہوئی۔ چیف جسٹس ثاقب نثار نے دوران سماعت ریمارکس دِتے پٹرولیم مصنوعات دِیاں قیمتاں فیر ودھا دِتیاں نیں، وادھے دا جواز پیش کرو۔ ایڈیشنل اٹارنی جنرل نے عدالت نوں دسیا متعلقہ حکام مل بیٹھن تے اج پٹرول دی قیمت گھٹ ہو سکدی اے۔

چیف جسٹس نے پُچھیا پٹرولیم مصنوعات تے کسٹم ڈیوٹی تے سیلز ٹیکس دا کیہ جواز اے؟ قوم پہلاں ای پسی ہوئی اے، عوام تے بوجھ نہ پاؤ۔ ایڈیشنل اٹارنی جنرل نے عدالت نوں دسیا قیمتاں وچ وادھے دی وجہ ڈالر دا ریٹ ودھنا اے، عالمی مارکیٹ وچ وی تیل دی قیمت ودھی اے۔ جسٹس اعجاز الحسن نے قرار دِتا پٹرول تے 30 روپے توں ودھ ٹیکس تے دوجیاں واجبات نیں۔ جسٹس عمر عطا بندیال نے ریمارکس دِتے ایس انداز نال ٹیکس اکٹھا کرنا ٹیکس حکام دی ناکامی اے۔

ایف بی آر حکام نے دسیا پاکستان دا سیلز ٹیکس جرمنی توں گھٹ اے، بھارت وچ وی ٹیکس پاکستان توں ودھ اے۔ چیف جسٹس نے ریمارکس دِتے جرمنی اپنی عوام نوں جیہڑیاں سہولتاں دے رہیا اے، اوہ وی دیو، بھارت وچ لوک ایس طرحاں نہیں بلک رہے، منگھیائی دی وجہ توں غریب عوام نوں کٹنا پیندا اے۔ سپریم کورٹ نے پٹرولیم مصنوعات دی قیمت گھٹ کرن بارے حکومت توں جواب طلب کردیاں سماعت اتوار تک ملتوی کر دِتی۔

نئی تبصرہ شامل کریں

About text formats

متعلقہ خبریں

دیامر بھاشا، مہمند ڈیم فنڈ دا ناں ''پی ایم سی جے فنڈ'' رکھن دی منظوری

اسلام آباد: سپریم کورٹ نے دیامر بھاشا تے مہمند ڈیم فنڈ دا ناں بدلن دی منظوری دے دِتی۔

چیف جسٹس پاکستان دی سربراہی وچ دادو سندھ وچ نائی گ

ستمبر 24, 2018

پاکستانی عدلیہ سی پیک منصوبے دی پوری حمایت کردی اے: چیف جسٹس

بیجنگ: چیف جسٹس ثاقب نثار دی چینی ہم منصب نال ملاقات ہوئی، چیف جسٹس ثاقب نثار نے چینی ہم منصب نوں جوڈیشل کانفرنس وچ رَلت لئی دورہ پاکستان دی دعوت

مئی 24, 2018

نواز نے اپنے کاروباری مفاد لئی کشمیر دے قومی مفاداں توں پہلاں رکھیا، عمران

اسلام آباد: چیئرمین تحریک انصاف عمران خان نے کہیا کہ نواز شیرف نے اپنے کاروباری مفاداں نوں مسئلہ کشمیر تے قومی مفاد دوہاں تے ترجیحی دِتی۔

<
اپریل 10, 2018

اگلی حکومت فیر ساڈی اے: آصف زرداری

خیرپور: پاکستان پیپلزپارٹی دے شریک چیئرمین آصف زرداری دا کہنا اے اگلی حکومت فیر ساڈی اے۔

نومبر 07, 2018

نواز تے شہباز شریف دا اے پی سی وچ رَلت نہ کرن دا فیصلہ

اسلام آباد: سابق وزیراعظم نوازشریف تے اپوزیشن لیڈر شہباز شریف نے اپوزیشن دی آل پارٹیز کانفرنس وچ رَلت نہ کرن دا فیصلہ کیتا۔

اکتوبر 30, 2018