کورٹاں 15دن وِچ ایگزیكٹ مقدمیاں دا فیصله دین، سپریم کورٹ

اسلام آباد: ایگزیکٹ جعلی ڈگری آپ مُہارے سنوائی دے دوران سپریم کورٹ نے ٹرائل کورٹ دے ملزماں دی ضمانت رد کرن دا فیصلہ 2هفتیاں وِچ كرن دے نال نال سندھ ہائی کورٹ نوں ایگزیکٹ مقدمیاں دا فیصلہ 51 دن جد کہ اسلام آباد ہائی کورٹ نوں 3هفتیاں وِچ مقدمے دا فیصله سناون دی هدایت كر دِتی۔
دوجے بنے وڈی عدالت نے ایگزیكٹ دے سربراه شعیب شیخ تے هور 6 ملزماں دا ناں ایگزٹ كنٹرول لسٹ (ای سی ایل) وِچ شامل كرن دا حكم ایس یقین دهانی دے بعد واپس لے لیا كه اوه ملك چهڈ كے نهیں جان گے۔
یاد رهوے كه ایس كیس دی 7فروری نوں ہون والی پچھلی سنوائی ویلے عدالت نے ایگزیکٹ جعلی ڈگری اسکینڈل دے سارے ملزماں نوں 9 فروری نوں طلب کردیاں ریماکس دِتے کہ جے جعلی ڈگریاں دی خبر وِچ سچائی ہے تاں کوئی نہیں بچ سکے گا، سبھناں دا ناں ای سی ایل وِچ پاواں گے۔
چیف جسٹس آف پاکستان میاں ثاقب نثار دی سربراہی وِچ سپریم کورٹ دے 3 رکنی بینچ نے ایگزیکٹ جعلی ڈگری آپ مہارے کیس دی سنوائی کیتی۔
اج سنوائی ویلے ڈائریکٹر جنرل (ڈی جی) فیڈرل انویسٹی گیشن ایجنسی (ایف آئی اے) بشیر میمن سپریم کورٹ وِچ پیش ہوئے۔
چیف جسٹس ہوراں ڈی جی ایف آئی اے توں پچھیا کہ """كیه ایگزیكٹ اِك كمپنی اے؟ تے ایهه كدوں توں سیكیوریٹیز اینڈ ایكسچینج كمیشن آف پاكستان (ایس ای سی پی) وِچ رجسٹرڈ اے؟ـ"" ""
بشیر میمن نے جواب دتا كه ـ"" ایهه كمپنی جولائی 2006 توں پهلاں رجسٹرڈ اے تے ایس دا هیڈ آفس خیابان اقبال، كراچی وِچ اےـ""
جسٹس اعجازالاحسن نے سوال كیتا كه ایگزیكٹ دا بزنس كیه اے؟
ڈی جی ایف آئی نے جواب دتا كه سافٹ وئیر دے ایكسپورٹ دا بزنس ظاهر كیتا گیا اے، ایگزیكٹ دے 10بزنس یونٹ نیں۔
بشیر میمن نے وڈی عدالت نوں دسیا كه ایگزیكٹ دیاں 330یونیورسٹیاں سن تے ایس دا 70فیصد ریونیو آن لائن یونیورسٹیاں توں آندا اے۔
ڈی جی ایف آئی نے دسیا کہ تجربہ تے ایگزیکٹ والی ڈگری مِل جاندی اے۔