بھارتی فوج دی ایل او سی تے بلااشتعال فائرنگ، پاک فوج دا سپاہی شہید

راولپنڈی: لائن آف کنٹرول تے بھارتی فوج دی بلااشتعال فائرنگ دے نتیجے وچ پاک فوج دا سپاہی ظہیر احمد شہید ہو گیا۔

پاک فوج دے شعبہ تعلقات عامہ (آئی ایس پی آر) دے مطابق بھارتی فوج دی لائن آف کنٹرول تے تھب سیکٹر وچ بلااشتعال فائرنگ دے نتیجے وچ سپاہی ظہیر احمد شہید ہو گیا، شہید سپاہی دا تعلق ضلع بھمبر دے پنڈ سلطان پور توں سی۔ آئی ایس پی آر دے مطابق پاک فوج نے بھارتی فوج دی فائرنگ دا بھرپور جواب دِتا تے بھارتی چوکیاں نوں نشانہ بناندیاں دشمن دِیاں بندوقاں نوں چپ کرا دِتا۔