الیکشن کمیشن دی وارننگ دے باوجود عمران خان دا لودھراں جلسے نال خطاب

ٰعمران خان

پاکستان تحریک انصاف (پی ٹی آئی) چیئرمین عمران خان نے الیکشن کمیشن دی وارننگ نوں نظر انداز کردے ہوئے قومی اسمبلی دے حلقہ این اے 154 لودھراں وچ جلسے نال خطاب کیتا۔ جلسے نال خطاب کردیاں اوہناں آکھیا کہ جہانگیر ترین نے نہ منی لانڈرنگ کیتی تے نہ کرپشن، اوہ سبھ توں چوکھا ٹیکس دیندے نیں، کاشت کاراں نوں پوری قیمت دیندے نیں، اوہ شریف خاندان یا زرداری دی طراں نہیں اے۔ اوہناں آکھیا کہ سابق وزیر اعظم نواز شریف کولوں جد پچھیا گیا کہ پیسہ کتھوں آیا تے قطری خط لے آئے۔ اوہناں دا کہنا سی کہ مافیا اداریاں نوں تباہ کردا اے تے اپوزیشن سمیت سارے لوکاں نوں خرید لیندا اے۔ عمران خان نے کہیا کہ صرف شریف برادران ای چور نہیں بلکہ ایہناں دے وزیر وی چور نیں۔ اوہناں الزام لایا کہ ملتان میٹرو پراجیکٹ وچ کرپشن کیتی گئی۔ اوہناں آکھیا کہ نیب کہہ رہیا اے کہ پنجاب حکومت جواب نہیں دے رہی جد کہ نواز شریف دے منڈے ہُن پاکستانی اداریاں نوں جواب نہیں دے رہے، حسن تے حسین نواز کہندے نیں کہ اوہ پاکستانی شہری نہیں۔ عمران خان نے کہیا کہ عامر باکسر نے بیان دتا اے کہ اوہ شہباز شریف دے آکھن اُتے قتل کردا سی۔عمران خان نے الزام لایا کہ شہباز شریف دے دور وچ پُلس نے 870 قتل کیتے۔ اوہناں منگ کیتی کہ چیف جسٹس ثاقب نثار ماورائے عدالت قتل اُتے کمیشن بناؤن۔ ایس دوران اوہناں خیبر پختونخوا پُلس دی تعریف کیتی۔ ہور اوہناں آکھیا کہ موجودہ حکومت نے ریکارڈ قرضے لئے، اے قوم نوں مقروض کر کے خود امیر ہو جاندے نیں۔ اوہناں آکھیا کہ ایس مافیا دے خلاف جدو جہد سیاست نہیں جہاد اے۔ یاد رہوے کہ الیکشن کمیشن نے عمران خان نوں وارننگ دتی سی کہ انتخابی حلقے وچ رکن قومی اسمبلی جلسہ نہیں کر سکدا۔ جہانگیر ترین دی نا اہلی دے بعد قومی اسمبلی دی نشست NA154 خالی ہوئی سی جہدے اُتے اوہناں دا پُتر علی ترین پی ٹی آئی دا امیدوار اے۔ جلسے نال خطاب کردے ہوئے شیخ رشید نے کہیا کہ اج قوم کول عمران خان دے علاوہ ہور کوئی آپشن نہیں۔ نواز شریف اپنے آپ نوں شیخ مجیب کہندے نیں۔ اگر شریف خاندان جیل نہ گیا تے میرا ناں رانا ثنااللہ رکھ دینا۔

نئی تبصرہ شامل کریں

About text formats

متعلقہ خبریں

جسٹس آصف سعید کھوسہ نے چیف جسٹس پاکستان دے عہدے دا حلف چُک لیا

اسلام آباد: سپریم کورٹ دے سینئر ترین جج جسٹس آصف سعید کھوسہ نے دیس دے 26ویں چیف جسٹس دے عہدے دا حلف چُک لیا۔

جنوری 18, 2019

عمران خان دے 2دیہاڑ پہلاں وکٹ ڈِگن دے بیان تے چیف جسٹس نوٹس لین

لہور: رانا ثناء اللہ نے عمران خان دے بیان تے چیف جسٹس آف پاکستان کولوں نوٹس لین تے چھان بین کران دا مطالبہ کر دتا۔

اوہناں آکھیا کہ تحری

اپریل 27, 2018

حنیف عباسی نے ایفی ڈرین کیس دی سزا نوں ہائی کورٹ وچ چیلنج کر دِتا

اسلام آباد: (ن) لیگ دے رہنما حنیف عباسی نے ایفی ڈرین کیس دی سزا نوں ہائی کورٹ وچ چیلنج کر دِتا۔

(ن) لیگ دے رہنما حنیف عباسی نے ایفی ڈرین

اگست 15, 2018

شہباز شریف دی 5 جولائی نوں پیشی، مبینہ طور تے نیب ٹیم نوں دھمکیاں

لہور: شہباز شریف دی 5 جولائی نوں نیب پیشی توں متعلق انکشافات منظر عام تے آ گئے، پچھلے وزیر اعلیٰ نیب تحقیقاتی ٹیم نوں مبینہ طور تے دھمکیاں دیندے

جولائی 06, 2019

ایون فیلڈ ریفرنس: نیب تفتیشی افسر اُتے کیپٹن صفدر دے وکیل دی جرح شروع

اسلام آباد: احتساب عدالت وِچ سابق وزیر اعظم نواز شریف، اوہناں دی صاحبزادی مریم نواز تے جوائی کیپٹن (ر) محمد صفدر دے خلاف ایون فیلڈ پراپرٹیز ریفرن

مئی 07, 2018