ویلے توں پہلاں انتخابات لئی ہر ویلے تیار آں: نوازشریف

نوازشریف

اسلام آباد: سابق وزیراعظم نوازشریف دا کہنا اے مسلم لیگ (ن) ویلے توں پہلاں انتخابات لئی ہر ویلے تیار اے۔

اسلام آباد وچ احتساب عدالت وچ پیشی دے دوران صحافیاں نال غیر رسمی گفتگو دے دوران نوازشریف نے آکھیا اسیں بجلی دے چار منصوبیاں وچ 160 ارب روپے بچائے کسے نے شاباش نہیں دِتی، عمران خان دی گل کیہ کراں جو کجھ اوہ کر رہے نیں دنیا ویکھ رہی اے۔ عمران خان نے ویلے توں پہلاں انتخابات دی گل کیتی اوہنوں سن کے عوام نوں خوشی ہوئی ہووے گی، عوام سوچ رہے ہون گے کہ چنگا اے اوہناںتوں جِنی جلدی جان چھوٹ جاوے۔

صحافی نے نوازشریف توں سوال کیتا جے ہن مڈٹرم الیکشن ہوندے نیں تے کیہ تسیں تیار او جیہدے تے نوازشریف نے آکھیا کیہ تہانوں ساڈی تیاری پچھلے الیکشن وچ نظر نہیں آئی۔ اسیں سنجیدہ سیاست دے قائل آں تے مسلم لیگ (ن) ویلے توں پہلاں انتخابات لئی ہر ویلے تیار اے۔ نوازشریف نے آکھیا فافن دے مطابق 53 حلقیاں وچ رَد ووٹاں دی تعداد لیڈ توں ودھ اے، فافن دے مطابق 95 فیصد فارم 45 تے پولنگ ایجنٹاں دے دستخط نہیں سن تے پاکستان دی تاریخ وچ کدی اِنج ویکھن وچ نہیں آیا۔ نوازشریف نے آصف زرداری دے کرپشن کیساں تے گل کرن توں گریز کردیاں آکھیا ایہہ تے اپنے اُتے عدم اعتماد کرن والی گل اے۔

نئی تبصرہ شامل کریں

About text formats

متعلقہ خبریں

معاشی بہتری لئی درآمدات نوں گھٹ کرنا ہووے گا: عبدالرزاق داؤد

کراچی: وزیراعظم دے مشیر تجارت عبدالرزاق داؤد نے آکھیا اے معاشی بہتری لئی درآمدات نوں گھٹ کرنا ہووے گا۔

جنوری 19, 2019

سیاست کپتان دے بس دی گل نہیں، درگارہ تے بیٹھن: شہباز شریف

ڈیرہ غازی خان : زرداری، نیازی دی جوڑینے گٹھ جوڑ کر لیا اے۔

اگلے الیکشن وچ ن لیگ سیاسی مخالفاں دا صفایا کر دیوے گی، کرپشن ثابت ہوئی تے سیا

مارچ 17, 2018

پنجاب دے ایوان وزیراعلیٰ وچ وی شکایت سیل قائم

لہور: وزیراعظم ہاؤس مگروں پنجاب دے ایوان وزیراعلیٰ وچ وی شکایت سیل قائم کر دِتا گیا، وزیراعلیٰ سردار عثمان بزدار نے شکایتی کال سن کے سیل د

نومبر 28, 2018

سرکاری اراضی دی غیر قانونی الاٹمنٹ تے قائم علی شاہ نیب طلب

کراچی: قومی احتساب بیورو (نیب) نے سرکاری اراضی دی غیر قانونی الاٹمنٹ تے قائم علی شاہ نوں طلب کر لیا۔

دسمبر 22, 2018

گورنر ہاؤس دی کندھ ڈیگن دا اقدام لہور ہائیکورٹ وچ چیلنج

لہور: گورنر ہاؤس پنجاب دی کندھ ڈیگن دا اقدام ہائی کورٹ وچ چیلنج کر دِتا گیا اے۔

دسمبر 03, 2018