تھرکول پراجیکٹ کیس، ڈاکٹر ثمر مبارک تے دوجیاں دے خلاف تحقیقات دا حکم

تھرکول پراجیکٹ

اسلام آباد: سپریم کورٹ نے نیب نوں تھرکول گیسی فیکیشن پاور پراجیکٹ بارے کیس وچ ڈاکٹر ثمر مبارک مند سَنے دوجے بندیاں دے خلاف تحقیقات کرن دا حکم دِتا اے۔

چیف جسٹس نے آکھیا ڈاکٹر ثمر مبارک نے دعویٰ کیتا پاکستان نوں مفت بجلی ملے گی، 4 ارب ضائع ہون دے ذمہ دار ثمر مبارک مند نیں۔ چیف جسٹس ثاقب نثار دی سربراہی وچ تن رکنی بنچ نے تھرکول گیسی فیکیشن پاور پراجیکٹ بارے کیس دی سماعت کیتی۔ آڈیٹر جنرل ولوں حتمی آڈٹ رپورٹ پیش کیتی گئی، ڈپٹی اٹارنی جنرل نے دسیا ایس منصوبے نوں چلانا سندھ حکومت دی ذمہ داری سی، جسٹس اعجاز الاحسن نے آکھیا کل سندھ حکومت نے آکھیا 8،10 ارب لگن مگروں نئی گج ڈیم نہیں چاہیدا، تھرکول منصوبے تے 4 ارب لگ چکے نیں، سبھ کہندے نیں ایہہ منصوبہ نہیں چاہیدا، ثمر مبارک مند نے بڑے وڈے وڈے دعوے کیتے، کہندے سن پاکستان نوں مفت بجلی ملے گی، 4.6ارب روپے خرچ مگروں منصوبہ بند کر دِتا گیا۔

ڈاکٹر ثمر مبارک مند نے آکھیا اک ارب فزیبیلٹی تے لگ گیا، حکومت نے جا کے ویکھیا کہ میرا پراجیکٹ چل رہیا، فیر منصوبہ منظور ہویا۔ چیف جسٹس ثاقب نثار نے ریمارکس دِتے سدھی گل اے 4 ارب توں ودھ ضائع ہو گئے، ذمہ دار ثمر مبارک مند نیں۔ عدالت نے حکم دِتا قومی احتساب بیورو ثمر مبارک مند تے دوجے ذمہ داراں دے خلاف ایکشن لین۔ ایڈووکیٹ جنرل سندھ نے آکھیا حکومت سندھ منصوبے دِیاں ساریاں شیواں قبضے وچ لینا چاہندی اے، جیہدے تے چیف جسٹس نے آکھیا ایس حوالے نال وفاقی حکومت نال رجوع کرو۔

نئی تبصرہ شامل کریں

About text formats

متعلقہ خبریں

سپریم کورٹ، علیمہ خان نے ٹیکس ادائیگی لئی ہور 13دیہاڑے منگ لئے

اسلام آباد: بدیس جائیداداں بارے کیس وچ عدالتی حکم دے باوجود علیمہ خان ولوں کوئی ادائیگی نہ کیتی جا سکی، ٹیکس ادائیگی لئی ہور 13دیہاڑے منگ

جنوری 01, 2019

میگا منی لانڈرنگ کیس، ملزماں دی جے آئی ٹی رپورٹ رَد کرن دی استدعا

اسلام آباد: میگا منی لانڈرنگ تے جعلی اکاؤنٹس کیس وچ ملزمان عبدالغنی مجید تے انور مجید نے اپنے آپ نوں معصوم قرار دیندیاں جے آئی ٹی رپورٹ

دسمبر 29, 2018

سپریم کورٹ دے حکم تے شریف خاندان توںاضافی سکیورٹی واپس لےلئی گئی

اسلام آباد: سپریم کورٹ دے حکم مگروں شریف خاندان توںاضافی سکیورٹی واپس لےلئی گئی۔ سپریم کورٹ دے حکم مگروں شریف خاندان توںاضافی سکیورٹی واپس لےلئی

اپریل 20, 2018