پی ٹی ایم اوہ حد پار نہ کرے کہ سانوں رٹ قائم کرنی پوے: ترجمان پاک فوج

ترجمان پاک فوج

راولپنڈی: ترجمان پاک فوج میجر جنرل آصف غفور نے پشتون تحفظ موومنٹ ( پی ٹی ایم) نوں خبردار کیتا اے کہ اوہ حد پار نہ کرے کہ ریاست نوں زور لانا پوے تے اپنی رٹ قائم کرنی پوے۔

راولپنڈی وچ پریس کانفرنس کردیاں ڈی جی آئی ایس پی آر میجر جنرل آصف غفور نے آکھیا بھارتی فوج جان بُجھ کے پاکستان شہری آبادی نوں نشانہ بناندی اے تے ایس ورھے اوہنے 2593 واری جنگ بندی دی خلاف ورزی کیتی اے جیہدے نتیجے وچ 55 شہری شہید تے 300 زخمی نیں تے ایہہ تاریخ وچ شہریاں دا سبھ توں وڈا جانی نقصان اے۔ میجر جنرل آصف غفور نے آکھیا کرتارپور دے معاملے تے بھارت نے منفی پروپیگنڈا کیتا، ایہہ راہداری صرف ون وے ہووے گی جیہدے کھلن نال 4 ہزار بھارتی یاتری ہر دیہاڑے پاکستان آ سکن گے تے ایسے راستے توں اوسے دیہاڑے واپس جان گے، پر پاکستان ولوں کوئی ایس راہ توں بھارت نہیں جا سکدا۔

بھارتی آرمی چیف دے پاکستان نوں سیکولر بنن دے بیان بارے سوال دے جواب وچ میجر جنرل آصف غفور نے آکھیا بھارت پہلے آپ سیکولر بنے فیر سانوں بھاشن دیوے، بھارتی آرمی چیف نوں دسن دی لوڑ نہیں کہ پاکستان کِویں دا ملک بنے، بھارت آپ سیکولر جمہوریہ اے پہلاں آپ تے سیکولر بن جاوے، بھارت آپ کیہو جیہی ریاست اے، 20 کروڑ مسلماناں دی اوتھے کیہ حالت اے۔

ڈی جی آئی ایس پی آر نے آکھیا ہمیشہ آکھیا جاندا رہیا اے پاکستان نازک دور توں لنگھ رہیا اے، پر ہن نازک دور توں چلدیاں اسیں اگے آ گئے آں، ہن یاں تے اگے نازک ویلا نہیں اے، یاں فیر نازک توں وی ودھ بدتر ویلا اے، اسیں جنگاں لڑ لئیاں ادھا ملک گنوا دِتا تے ایٹمی قوت وی بن گئے، بھارت نال کئی جنگیاں ہوئیاں کشمیر دا معاملہ وی حل نہ ہویا، ملک دے کِنے نازک دور آئے تے اوہدے ذمہ دار کون نیں؟ ایہہ سوچنا اے۔

نئی تبصرہ شامل کریں

About text formats

متعلقہ خبریں

لہورو چ جل تھل ہو گئی،نیویں علاقے پانی دی مار وچ

لہور: شہر تے گردونواح وچ مون سون بارشاں دے کارن نشیبی علاقے زیر آب آ گئے نیں۔

لہور وچ موسلادھار بارش دا سلسلہ جاری اے جیہدے کارن نشیبی

جولائی 20, 2018

درہ آدم خیل وچ کوئلے دی کان وچ دھماکا، 9 کان کن جاں بحق

کوہاٹ: درہ آدم خیل وچ کوئلے دی کان وچ گیس بھر جان نال دھماکے دے نتیجے وچ 9 کان کن جاں بحق ہو گئے۔

درہ آدم خیال دے علاقے اخوروال وچ کوئل

ستمبر 12, 2018

نقیب اللہ دہشت گرد سی یاں نہیں بعدوں دَساں گا: راؤ انوار

کراچی: سابق ایس ایس پی ملیر راؤ انوار آکھیا اے کہ نقیب اللہ دہشت گرد سی یاں نہیں ایہہ میں بعدوں دَساں گا۔

کراچی وچ انسداد دہشت گردی عدا

اپریل 21, 2018

مشرف دے خلاف غداری کیس دی سنوائی لئی اُچیچی عدالت دی تشکیل مکمل

اسلام آباد: پچھلے صدرپرویز مشرف دے خلاف سنگین غداری کیس دی سنوائی واسطے خصوصی عدالت دی تشکیل مکمل ہو گئی۔

جسٹس یحییٰ آفرید دے بینچ توں

اپریل 07, 2018

فوجی عدالت توں عمر قید پان والے 14ملزمان دی سزا اُتے عمل کرن توں روک دتا گیا

اسلام آباد: سپریم کورٹ نے فوجی عدالت توں عمر قید پان والے 14ملزمان دی سزا اُتے عملدرآمد تاحکم ثانی روک دتا اے۔

فروری 06, 2018