پی ٹی آئی حکومت مذاق بن گئی اے: سعد رفیق

سعد رفیق

لہور: مسلم لیگ (ن) دے رہنما سعد رفیق نے آکھیا اے پی ٹی آئی حکومت اک مذاق بن گئی اے۔

لہور وچ میڈیا نال گل کردیاں خواجہ سعد رفیق نے آکھیا نیب نے قائد حزب اختلاف شہباز شریف نوں پھڑیا پر اجے وی ثبوت لبھ رہے نیں، نوازشریف قسمت نال باہر نیں جد کہ حنیف عباسی تے شہباز شریف جیل کٹ رہے کسے نوں بغیر ثبوت دے جیل وچ رکھنا مناسب گل نہیں، اسیں دوواں بھراواں نوں وی سزا دِتی جا رہی اے، جیل وچ پان دِیاں دھمکیاں دے کے مونہہ بند نہیں کرایا جا سکدا۔

حکومت نوں تنقید دا نشانہ بناندیاں سعد رفیق نے آکھیا پی ٹی آئی حکومت دے پونے 4 مہینے دی کارکردگی خراب رہی، سفارتی سطح تے پاکستان نوں ناکامی دا ساہمنا کرنا پیا تے کشکول وچ سعودی حکومت دے علاوہ کسے نے اک سکہ وی نہیں پایا۔ سعد رفیق نے آکھیا (ن) لیگ دی وجہ توں سی پیک نال کھلواڑ کیتا جا رہیا اے۔ ایہہ لوک سی پیک توں نوازشریف دا ناں وکھرا کرن دی کوشش کررہے نیں، موصوف انتقام نال بھرے ہوئے نیں، پی ٹی آئی حکومت اک مذاق بن گئی اے ٹوٹ بٹوٹ حکمران عوام نوں زیادہ دیر بیوقوف نہیں بنا سکن گے۔

نئی تبصرہ شامل کریں

About text formats

متعلقہ خبریں

سمجھ توں باہر اے کہ ملک کیویں چلدا پیا اے: چیف جسٹس

لہور: سپریم کورٹ لہور رجسٹری وچ چیف جسٹس پاکستان جسٹس ثاقب نثار دی سربراہی وچ فاضل بنچ نے ریلوے خسارہ ازخود نوٹس کیس دی سنوائی کیتی، عدالتی حکم تے

جولائی 24, 2018

ربّ دی سونہہ میرا کوئی سیاسی ایجنڈا نہیں، چیف جسٹس

اسلام آباد: چیف جسٹس پاکستان جسٹس ثاقب نثار نے اپنے ریمارکس وِچ کہیا سی کہ ـ’خدا دی قسمیں کوئی سیاسی ایجنڈا نہیں تے سیاسی مقدمیاں نوں ہتھ لان نوں

فروری 27, 2018

شاہ محمود دی بھارت وچ تعینات پاکستانی ہائی کمشنر نال ملاقات

اسلام آباد: شاہ محمود قریشی نے بھارت وچ تعینات پاکستانی ہائی کمشنر نال ملاقات کیتی جہدے وچ پلوامہ حملے بعدوں پاکستان اُتے بھارتی الزامات تے خطے د

فروری 19, 2019

بنی گالہ ریگولائز ہو سکدا اے تے کراچی دِیاں عمارتاں وی ہو سکدیاں نیں: فاروق ستار

کراچی: سینئر سیاستدان فاروق ستار نے سپریم کورٹ ولوں کراچی وچ عمارتاں ڈیگن دے فیصلے تے ردعمل وچ آکھیا اے جے بنی گالہ نوں ریگولائز کیتا جا سک

جنوری 26, 2019

حکومت نے 6مہینے وچ انڈے تے مرغیاں دے علاوہ کجھ نہیں کیتا: وزیراعلیٰ سندھ

کراچی: وزیراعلیٰ سندھ مراد علی شاہ دا کہنا اے حکومت نے 6مہینے وچ انڈے تے مرغیاں دے علاوہ کجھ نہیں کیتا۔

جنوری 04, 2019