شریف خاندان دی حاضری توں استثنیٰ دی درخواست تے فیصلہ محفوظ

niwaz

اسلام آباد: احتساب عدالت نے سابق وزیراعظم نواز شریف، اوہناں دی دھی مریم نواز تے داماد کیپٹن (ر) صفدر ولوں نیب ریفرنس وچ حاضری توں استثنیٰ دی درخواست تے فیصلہ محفوظ کر لیا۔ اسلام آباد دی احتساب عدالت دے جج محمد بشیر نے نیب وَلوں دائر ریفرنسز دی سماعت کیتی۔ ایس موقع تے نواز شریف دے وکیل وَلوں کلثوم نواز دی میڈیکل رپورٹ عدالت وچ پیش کیتی گئی جد کہ ایس توں پہلاں ریفرنس وچ نامزد تناں ملزمان نے حاضری توں استثنیٰ دی درخواست دائر کیتی سی۔ سابق وزیراعظم دے وکیل نے عدالت توں پُچھیا کہ نواز شریف، مریم نواز تے کیپٹن ریٹائرڈ صفدر نوں حاضری توں استثنیٰ دِتا جاوے جیہدے تے ڈپٹی پراسیکیوٹر جنرل نیب نے شدید مخالفت کیتی۔ نیب پراسیکیوٹر سردار مظفر عباسی نے آکھیا کہ ٹرائل ہن مکمل ہون دے مرحلے وچ اے ایس لئی ملزمان نوں حاضری توں استثنیٰ نہیں دِتا جا سکدا۔ ڈپٹی پراسیکیوٹر نیب نے آکھیا کہ دو ملزمان پہلاں ای عدالت توں اشتہاری نیں تے دوواں پُتر کلثوم نواز دی دیکھ بھال لئی لندن وچ موجود نیں۔ عدالت نے فریقین دے دلائل مگروں حاضری توں استثنیٰ دی درخواست تے فیصلہ محفوظ کردیاں ریفرنس دی سماعت 22فروری تک ملتوی کر دِتی۔ خیال رہوے کہ ملزمان وَلوں دائر حاضری توں استثنیٰ دی درخواست وچ آکھیا گیا اے کہ بیگم کلثوم نواز برطانیہ وچ زیر علاج نیں، اوہناں دی طبیعت شدید خراب اے تے کجھ میڈیکل ٹیسٹ ہونے نیں جد کہ ڈاکٹراں نے تجویز کیتا اے کہ ایس موقع تے مریضہ دے شوہر دا اوہناں دے نال ہونا بہتر اے۔ نامزد تریوے ملزمان وَلوں درخواست 19فروری توں دو ہفتے لئی حاضری توں استثنیٰ لئی دائر کیتی گئی اے۔

نئی تبصرہ شامل کریں

About text formats

متعلقہ خبریں

نوازشریف نے العزیزیہ ریفرنس وچ سزا دے خلاف اپیل دائر کر دِتی

اسلام آباد: سابق وزیراعظم نوازشریف نے العزیزیہ ریفرنس وچ سزا دے خلاف ہائی کورٹ وچ اپیل دائر کر دِتی۔

جنوری 01, 2019

وزیراعظم شاہد خاقان عباسی نال ملالہ یوسف زئی دی ملاقات

اسلام آباد: وزیراعظم شاہد خاقان عباسی نال نوبل انعام یافتہ ملالہ یوسف زئی نے ملاقات کیتی۔

ملالہ یوسف زئی پچھلی رات ساڈھے پنج ورھے مگروں

مارچ 29, 2018

دریائے سندھ وچ کشتی اُلٹن نال6 جی ڈُب گئے

خیر پور: سگیوں شہر دے کول دریائے سندھ وچ کشتی اُلٹن نال 6 جی ڈُب گئے جد کہ 18 لوکاں نوں بچا لیا گیا۔

نومبر 19, 2018

لہور: نشے وچ دُھت کار سوار دی ٹکر نال 4 جی زخمی

لہور: کینٹ دے علاقے وچ شراب دے نشے وچ دُھت امیرزادے نے خطرناک ڈرائیونگ کردیاں کجھ منٹاں وچ 2وکھو وکھ مقامات تے چار بندیاں نوں کچل کے زخمی کر دِتا

مارچ 05, 2018

ایل او سی تے بھارتی فوج دی انھے واہ فائرنگ، اک زنانی شہید، 2 زخمی

نیلم: بھارتی فوج دی لائن آف کنٹرول دے کیرن سیکٹر تے انھے واہ فائرنگ نال اک زنانی شہید تے 2 زخمی ہو گئیاں۔

دسمبر 31, 2018

نواز یاں شہباز شریف نوں نقصان ہویا تے ذمہ دار وزیراعظم ہون گے: احسن اقبال

لہور: مسلم لیگ (ن) دے رہنما احسن اقبال دا کہنا اے جے شہباز شریف یاں نوازشریف دی صحت نوں کوئی نقصان ہویا تے اوہدے براہ راست ذمہ دار وزیراعظم ہون گے

جنوری 12, 2019